Jemi mësuar që edhe nga filmat vizatimorë ta perceptojmë figurën e njerkës si të vështirë dhe të egër, por jeta na mëson se jo gjithmonë është ashtu. Se në realitetin tonë edhe ajo është një njeri që ka ardhur në familjen e fëmijës si pasojë e dashurisë për babain e tyre, dhe jo domosdoshmërisht duhet të shikohet si një figurë negative.
Ndërkaq ajo nuk duhet të bëjë disa gjëra të caktuara :
- · Nuk duhet të kërkojë t’i “jepet” dashuria menjëherë sapo hyn në familje. Fëmijët nuk e zgjodhën atë, ata fillimisht do ta shohin njerkën si një person që ka zëvendësuar mamin e tyre edhe pse nuk është aspak e vërtetë. E madje edhe njerka nuk do të ketë menjëherë dashuri për ta por kjo nuk e bën atë një njeri të keq. Pra jepini kohë fëmijëve dhe vetes tuaj.
- · Ajo do të ndihmojë në rritjen e fëmijës (sidomos nëse jetojnë me të atin), do të ketë përgjegjësi në lidhje me vaksinimin, ushqyerjen etj por jo të gjithë do ta vlerësojnë atë që ajo bën. Jo të gjithë do ta shohin si pozitive ndihmën e saj.
- · Kini parasysh një gjë. Ju nuk mund të rregulloni punët e partnerit tuaj në lidhje me ish-bashkëshorten prandaj do të ishte mirë të qëndronit larg dhe jo të ofroheshit për të dhënë ndihmë. Por mund të jepni partnerit tuaj mbështetje.
- · Jeta nuk do të jetë gjithmonë edhe aq e thjeshtë, edhe nëse do të keni fëmijët tuaj biologjikë, jo të gjitha ditët do të jenë të lumtura dhe jo të gjitha ditët të trishtuara. Pra qëndroni fleksibël ndaj asaj që vjen në jetën tuaj.
- · Do t’ju mungojë në disa raste jeta juaj e mëparshme. E madje në ndonjë situatë të vështirë do të mendoni edhe si do të kishte qënë jeta juaj nëse partneri juaj nuk do të kishte pasur fëmijë. Por ju jeni atje dhe u dashuruat me partnerin tuaj.
Jeni edhe ju në një pozicion të tillë? Cilat kanë qënë vështirësitë më të mëdha gjatë njohjes dhe bashkëjetesës me fëmijët e partnerit tuaj?
Lexoni dhe:
')}
Për të lënë një koment ju duhet të jeni regjistruar Identifikohu