Nga banjoja e parë tek buzëqeshja e parë, të jesh nënë nënkupton të kesh shumë çaste të paharrueshme, çaste të tilla si:
Banjoja e parë: ky moment është shumë emocionues për prindërit dhe për beben e porsalindur. Në këtë çast babai duhet të bëjë sa më shumë fotografi ose video.
Buzëqeshja e parë: edhe pse mund të keni kaluar një natë të lodhshme dhe pa gjumë buzëqeshja e fëmijës tuaj do t’ju bëjë të ndieni lumturi të madhe dhe sigurisht momente të paharrueshme.
Shikimi adhurues: asnjë nuk ju shikon ashtu si fëmija juaj, asnjë person nuk e ka shikimin e tij! I porsalinduri arrin ta shohë fytyrën e prindërve nga një distancë 20-25 cm, dhe kryesisht të nënës gjatë ushqyerjes me gji, kjo pasi fytyra e saj në këtë moment është shumë pranë tij.
Veshja e preferuar: edhe pse mund të keni blerë pafund rroba për fëmijën, momenti kur do të veshë të preferuarën do të jetë shumë emocionues për nënën.
Fotografia e parë me familjen: tani familja është bërë më e madhe dhe duhet të keni një kujtim të bukur. Fotografia e parë do të jetë ajo që do t’ju sjellë gjithmonë ndër mend sa dashuri ka pasur në atë moment në familjen tuaj.
Prekja e dorës: i porsalinduri ska pak orë që ka ardhur mes jush dhe në një moment ju shtrëngon gishtin e dorës. Emocion i papërshkruar për ju dhe sigurisht që i paharrueshëm!
Momentet e gjumit: sa herë e keni vëzhguar me vëmendje dhe dashuri ndërsa fle? E si mund t’i harroni këto momente të mrekullueshme?
Shëtitja e parë me vëllain/motrën më të madhe: ky është një moment delikat për fëmijën tuaj të parë, por edhe për ju që keni muaj që mendoni si do të jetë reagimi i tij në disa momente të veçanta. Momenti kur ai do të shtyjë për herë të parë karrocën e vëllait/motrës së vogël do të jetë i paharrueshëm për ju.
Për të lënë një koment ju duhet të jeni regjistruar Identifikohu