Nëse keni lindur të paktën një fëmijë në spital, e dini se netët e para mund të jenë shumë të veshtira. Ka shumë përfitime si për nënën ashtu edhe për të porsalindurin nga fjetja në të njëjtën dhomë, pavarësisht se spitalet ndjekin praktikën e vjetër, atë të lënies se bebeve në dhomën e veçantë për ta.

Për për nënat e lodhura nga procesi i lindjes, kjo mund të mos jetë gjëja më e mirë e mundshme.

Thuhet se nënat duhet të krijojnë një lidhje me fëmijët, që në çastet e para që ai vjen në jetë, por nga ana tjetër nuk lejohet të flenë bashkë.

Por kur je duke marrë veten, në rastin më të mirë nga procesi i lodhshëm i lindjes dhe në rastet më të vështira nga një plagë operacioni, të marrësh fëmijën nga një krevat në tjetrin përgjatë gjithë natës, nuk është e thjeshtë.

Prandaj, një foto e nënës që fle në të njëjtin krevat me të porsalindurin është bërë virale, edhe pse është bërë publike katër vjet më parë.

Fotoja terheq vëmendje sepse struktura e krevatit duket si jo reale, krahasuar me praktikat që ndiqen masivisht në spitale. Dhe nëse është e vërtetë, përse nuk ndodh gjithmonë kështu, kudo?

Edhe nënat shprehen se ndiejnë nevojën për të fjetur bashkë me fëmijën në ditët e para pas lindjes, sepse ndihen shumë të lodhura e marrja e fëmijës nga krevati është shumë e mundimshme. Një gjë e tillë nuk ka aspak ndikim pozitiv edhe tek të vegjlit.

Lexo edhe: Te flesh me femijen eshte mire, por vetem me nje kusht