Shumë prej jush ndoshta mendojnë ta bëjnë një në shtatzani. Por a është e rrezikshme kjo gjë? E dëmton shëndetin e nënës dhe fëmijës tatuazhi apo pirsing? Pesë përgjigjet që do t’ju largojnë cdo dyshim!
A duhet të hiqet pirsing gjatë shtatzanisë?
Nëse nuk ju krijojnë bezdi dhe nuk shkaktojnë dhimbje nuk keni pse të shqetësoheni. Një vath i vendosur në vesh apo hundë nuk ka lidhje me shtatzaninë (nëse është vendosur para se të ngjizej fëmija). Përsa i përket atij të vendosur në kërthizë është çështje subjektive. Gjatë një lindje me operacion duhet të hiqet patjetër.
Mund të bëjnë tatuazh apo pirsing gjatë shtatzanisë?
Sigurisht që jo! Nëse do të çpoheni me gjilperë rreziku për t’u shfaqur infeksion do të jetë tepër i lartë. Por jo vetëm kaq, si pasojë e rritjes hormonale mund të shkaktohen reaksione që në gjendje normale nuk ndodhin.
Është e vërtetë që tatuazhi në shpinë nuk e lejon kryerjen e epiduralit?
Jo, por kjo varet edhe nga anestezisti. Në vija të përgjithshme, kjo procedurë konsiderohet si problematike pasi gjilpëra që hyn në kurriz mund të fusë në trup edhe pjesë të vogla boje që shkojnë në palcën kurrizore dhe mund të dëmtojnë shëndetin e nënës.
A mund të ushqej me gji nëse kam një pirsing në gjoks?
Kjo është tepër e rrezikshme. Fëmija mund ta gëlltisë në çdo moment, por mund edhe të shkaktojë dhimbje tepër të mëdha tek nëna. Pra, me lindjen e fëmijës duhet të hiqni të gjithë vathët që mund të keni në gjoks!
Si do të ndryshojë tatuazhi im pas shtatzanisë?
Nëse keni një tatuazh në bark, gjoks me siguri po mendoni si do të ndryshojë ai pas lindjes. Kjo varet nga elasticiteti i lëkurës, nga mosha e gruas, nga pesha e marrë në shtatzani. Në vija të përgjithshme mund të themi se tatuazhi do të pësojë zgjerime deri diku të vogla, që mund t’i rregulloni në momentin që do të keni mundësi.
Për të lënë një koment ju duhet të jeni regjistruar Identifikohu