Marsha Weinraub, profesore psikologjie thotë se nga mosha gjashtë muajsh, shumica e foshnjave flenë natën, duke i zgjuar nënat e tyre vetëm rreth një herë në javë. Megjithatë, jo të gjithë fëmijët ndjekin këtë model të zhvillimit.

Studimi mati modelet e zgjimit të gjumit gjatë natës tek foshnjat e moshës gjashtë deri në 36 muaj. Gjetjet zbuluan dy grupe: gjumashët dhe ata që flinin pak gjumë. “Nga matja e gjumit ndërsa foshnja ishte duke fjetur, u zbulua se të gjitha foshnjat, njëlloj si të gjithë të rriturit flinin për rreth 1 orë e gjysmë deri në 2 orë, zgjoheshin dhe më pas flinin sërish. Njëlloj si të rriturit. Disa prej tyre qanin kur zgjoheshin natën dhe kjo pengonte gjumin.

Deri në moshën gjashtë muajsh, 66% e foshnjave – ata që flinin gjumë – nuk u zgjuan, ose u zgjuan vetëm një herë në javë, duke ndjekur një trajektore të njëjtë ndërsa rriteshin. Por 33% e fëmijëve zgjohej për shtatë nete në javë në gjashtë muaj.

Këto gjetje nxirrnin disa konkluzione. Një prej tyre ishte se faktorët gjenetikë mund të ndikojnë për të shkaktuar probleme të gjumit që në fazat e hershme. Dhe gjëja tjetër e rëndësishme që u mësua nga ky studim ishte që foshnjat duhet të mësojnë se si të bien në gjumë vetë. Kur nënat e marrin në krahë fëmijën gjatë natës, e ushqejnë me gji etj, atëherë ai/ajo mund të mos jetë mësuar të vetë-qetësohet, dhe kjo është thelbësore për gjumin e rregullt.

Megjithatë ky është zbulimi i vetëm një studimi dhe normalisht duhen edhe studime të tjera por ky hulumtim sjell edhe njëherë në vëmendje se nëse e lini fëmijën të qajë për pak, nuk ju bën një prind të keq. Këshilla më e mirë është që foshnjat të vendosen në krevat në një orar të rregullt çdo natë, t’i lejoni ata të bien vetë në gjumë dhe të mësohen të mos qajnë direkt sapo ju del gjumi.

Lexo edhe: Tundja e bebes ndersa qan, ja rreziqet