Kjo është një recetë që duket e varfër dhe e thjeshtë, por në fakt edhe kjo ka hilet e veta që e bëjnë atë një pjatë të shijshme dhe të balancuar. Gjëja më e rëndësishme e kësaj recete është se mund të gatuhet për pak minuta dhe nuk kërkon shumë punë.

Përbërësit:

• Spageti – 250 gr;
• Vaj ulliri – 100 ml;
• Hudhra 2 thelpinj ( të shtypur);
• Spec djegës (sipas dëshirës);
• Djathë pekorino – 4 lugë;
• Majdanoz – 2 tufa.

Përgatitja:

1. Skuqim në tigan me zjarr të avashtë hudhrën me vajin e ullirit duke u kujdesur që hudhra të mos digjet. Shtojmë specin djegës pastaj e heqim mënjanë.
2. Ziejmë makaronat. Para se ti kullojmë hedhim 4 – 5 lugë ujë nga ai i makaronave në tiganin ku kemi skuqur hudhrën.
3. Kullojmë makaronat dhe i hedhim në tiganin ku kemi hudhrën.
4. I përziejmë fort që makaronat të marrin shijen e vajit të ullirit, hudhrës dhe specit djegës.
5. I spërkasim me djath pekorino.
6. Më në fund, makaronat janë gati.

Lexoni dhe: Brusketa Julie & Julia