Ky ilaç përmban dy lloj medikamentesh. Tobramycina që i përket një klase të barnave të quajtura antibiotikë aminoglikozide. Ajo funksionon duke ndaluar rritjen e baktereve. Dhe dexamethasone, që i përket një klase të barnave të quajtura kortikosteroide. Kjo  funksionon duke ulur ënjtjen.

Ky ilaç trajton / parandalon vetëm infeksionet bakteriale të syrit. Nuk funksionon  për llojet e tjera të infeksioneve të syrit. Përdorimi i panevojshëm ose përdorimi i tepërt i një antibiotiku mund të çojë në uljen e efektivitetit të tij.

Si të përdorni Tobradex

Për të aplikuar pikat në sy, lani duart së pari. Për të shmangur infektimin, mos prekni majën ku dalin pikat dhe mos lejoni që ajo të prekë syrin tuaj apo ndonjë sipërfaqe tjetër. Shkundeni mirë shishen para se të merrni secilën dozë. Mos vendosni kurrë lente kontakti kur përdorni këtë ilaç.

Sterilizoni lentet e kontaktit sipas udhëzimeve të prodhuesit dhe kontrollojini me mjekun tuaj përpara se të filloni t’i përdorni përsëri.

Vendoseni kokën prapa, shikoni lart dhe tërhiqeni qepallën e poshtme për të bërë një si xhep në pjesën e poshtme të syrit. Mbaheni pikatoren drejtpërdrejt në syrin tuaj dhe hidhni një pikë në të. Shikoni poshtë dhe mbyllini butësisht sytë për një deri në dy minuta. Vendosni një gisht në cepin e syrit tuaj (afër hundës) dhe ushtroni butësisht pak presion. Kjo do të parandalojë daljen e ilaçit. Mundohuni të mos i përpëlisni sytë dhe mos i fshini ato. Përsëritni këto hapa për syrin tjetër nëse ju është thënë kështu dhe nëse doza është për më shumë se një pikë, përsëriteni sërish. Doza juaj bazohet në gjendjen tuaj mjekësore dhe përgjigjen ndaj terapisë.

Mos e shpëlani pikatoren. Rivendosni kapakun e pikatores pas çdo përdorimi.

Nëse jeni duke përdorur një lloj tjetër të ilaçeve për sytë, prisni të paktën 5-10 minuta para se të aplikoni ilaçe të tjera.

Përdoreni këtë ilaç rregullisht në mënyrë që të përfitoni sa më shumë prej tij. Mos harroni ta përdorni atë në të njëjtin orar çdo ditë. Vazhdoni ta përdorni këtë ilaç për tërë kohën e udhëzuar, edhe nëse simptomat zhduken pas disa ditësh. Ndalimi i ilaçeve shumë herët mund të lejojë që bakteret të vazhdojnë të rriten, gjë që mund të rezultojë në një rikthim të infeksionit.

Informoni mjekun tuaj nëse gjendja juaj vazhdon ose përkeqësohet.

Efektet anësore

Mund të shfaqen skuqje të syrit, siklet në sy dhe kruajtje / ënjtje të qepallave. Nëse ndonjë prej këtyre efekteve vazhdon ose përkeqësohet, njoftoni menjëherë mjekun ose farmacistin tuaj.

Mos harroni se mjeku juaj e ka dhënë këtë ilaç sepse ai ose ajo ka gjykuar se përfitimi për ju është më i madh se rreziku i efekteve anësore. Shumë njerëz që përdorin këtë ilaç nuk kanë efekte anësore serioze.

Përdorimi i këtij ilaçi për periudha të zgjatura / të përsëritura mund të rezultojë në një infeksion të ri kërpudhor të syrit dhe mund të rrisë rrezikun tuaj për probleme të tjera të syrit (p.sh., glaukoma, katarakti). Mos e përdorni këtë ilaç për më gjatë se sa është sugjeruar. Tregojini mjekut tuaj menjëherë nëse vëreni ndonjë nga këto: simptoma të reja ose përkeqësuese të syrit (p.sh., lotim,  ënjtje, ndryshimet e shikimit, dhimbja në sy.

Një reagim shumë serioz alergjik ndaj këtij ilaçi nuk ka gjasa të ndodhë, por kërkoni kujdes të menjëhershëm mjekësor nëse ndodh. Simptomat e një reaksioni serioz alergjik mund të përfshijnë: skuqje, kruajtje / ënjtje (veçanërisht të fytyrës / gjuhës / fytit), marrje mendsh të fortë, frymëmarrje të vështirë.

Kjo nuk është një listë e plotë e efekteve anësore të mundshme. Nëse vëreni efekte të tjera që nuk janë renditur më lart, kontaktoni mjekun ose farmacistin tuaj.

Masat paraprake

Para se të përdorni tobramycin me dexamethasone, tregojini mjekut ose farmacistit nëse jeni alergjik ndaj secilit medikament; ndaj antibiotikëve të tjerë ose nëse keni ndonjë lloj tjetër alergjie. Ky produkt mund të përmbajë përbërës joaktivë (të tillë si konservues si klorur benzalkonium), të cilat mund të shkaktojnë reaksione alergjike ose probleme të tjera. Flisni me farmacistin tuaj për më shumë detaje.

Para se të përdorni këtë ilaç, tregojini mjekut ose farmacistit historikun tuaj mjekësor, veçanërisht për: problemet e tjera të syve (p.sh., glaukoma).

Shikimi mund të jetë përkohësisht i paqartë pas aplikimit të këtij ilaçi. Mos ngisni makinën, mos përdorni makineri ose bëni ndonjë aktivitet që kërkon shikim të qartë derisa të jeni të sigurt që mund të kryeni aktivitete të tilla në mënyrë të sigurt.

Ky ilaç duhet të përdoret vetëm kur është i nevojshëm patjetër gjatë shtatëzanisë. Diskutoni mbi rreziqet dhe përfitimet me mjekun tuaj.

Nuk dihet nëse ky ilaç kalon në qumështin e gjirit. Këshillohuni me mjekun tuaj përpara se të ushqeni me gji.

Ndërveprimet

Profesionistët tuaj të kujdesit shëndetësor (p.sh., mjeku ose farmacisti) tashmë mund të jenë të vetëdijshëm për çdo ndërveprim të mundshëm të barnave. Mos filloni, ndaloni ose ndryshoni dozën e ndonjë ilaçi përpara se t’i kontrolloni së pari ato.

Para se të përdorni këtë ilaç, tregojini mjekut ose farmacistit tuaj për të gjitha recetat dhe produktet  bimore që mund të përdorni.

Mbani një listë të të gjitha ilaçeve që përdorni dhe tregojani mjekut ose farmacistit.

Mbidoza

Ky ilaç mund të jetë i dëmshëm nëse gëlltitet. Nëse dikush ka përdorur më shumë doza se sa duhet dhe ka simptoma serioze të tilla si të fikët apo probleme me frymëmarrjen, telefononi urgjencën.

Shënime

Mos e ndani këtë ilaç me të tjerët.

Ky ilaç është rekomanduar vetëm për gjendjen tuaj aktuale. Hidheni ilaçin e papërdorur pasi të keni përfunduar trajtimin. Mos e përdorni më vonë për një infeksion tjetër përveçse kur jua thotë mjeku.

Nëse po e përdorni këtë ilaç për më shumë se 10 ditë, testet laboratorike dhe / ose mjekësore (p.sh., provimet në sy) duhet të bëhen periodikisht për të monitoruar përparimin tuaj ose të kontrollohen efektet anësore. Konsultohuni me mjekun tuaj për më shumë detaje.

Nëse keni harruar një dozë, përdoreni atë sa më shpejt që të kujtoheni. Nëse kur kujtoheni jeni afër orarit të dozës tjetër, anashkalojeni atë që nuk e morët. Mos e dyfishoni dozën.

Ruajtja

Shishja ruhet drejt, në temperaturë dhome larg dritës. Disa marka mund të ruhen edhe në frigorifer. Kontrolloni paketën e produktit për udhëzime se si të ruani produktin tuaj. Nëse keni ndonjë pyetje në lidhje me ruajtjen, pyesni farmacistin tuaj. Mbajini të gjitha ilaçet larg fëmijëve dhe kafshëve shtëpiake.

Lexo edhe: Si te mbrojme syte e femijes?