Mund të themi qe zmaliaturat janë një prej maktheve të gruas shtatzanë. Zakonisht shfaqja e tyre fillon nga muaji 6-8, për shkaqe mekanike (rritja e madhe e volumit) dhe hormonale. OBSh (Organizataa Botërore e Shëndetit) thekson për gratë shtatzana se:

Nuk duhet të konsumojnë alkool dhe duhan, duhet të ushqehen shumë shëndetshëm (me vitamina, proteina, antioksidantë) dhe të pijnë sasi të mira uji, të përdorin krem që i jep elasticitet lëkurës si edhe të mbajnë nën kontroll peshën trupore. Kujdes! Mos u stresoni për zmaliaturat. Gjëja më e rëndësishme në shtatzani është mirëqënia juaj dhe e fëmijës!

Cfarë janë zmaliaturat?

Zmaliaturat janë shenja që shfaqen në lëkurë si pasojë e dëmtimit të fibrave të kolagjenit në shtresën e dermës (shtresa më e thellë e lëkurës). Zakonisht shfaqen në zonën e barkut, hijeve dhe gjoksit.

Një shqetësim i shpeshtë në shtatzani

Ato shfaqen në rreth 50% e grave shtatzëna, rreth muajit 6-8, periudhë në të cilën toleranca ndaj glukozës zvogëlohet si edhe përqëndrimi i hormoneve në gjak rritet. Në përgjithësi shfaqen më tepër tek gratë e reja në moshë.

Përse shfaqen zmaliaturat?

Ashtu siç e thamë edhe më sipër, shkaktarë janë:

• Faktorët hormonalë, ndërtë cilat rritja e kortizolit i cili dobëson fibrat elastike, kolagjenin dhe mukopolisakaridet që mbështesin dermën.
• Faktorët mekanikë, siç është rritja e volumit të trupit, pa anashkaluar edhe faktorin gjenetik.

Produktet kozmetike që mund të përdorni janë ato me bazë:

• Acidi boswelic;
• Elastine;
• Kolagjeni;
• Vitamine E;
• Antioksidues;
• Acid ialuronik;
• Vajra (ulliri, bajamesh të ëmbëla, embrion gruri).