Fëmijët zakonisht mësohen më shpejt të mos mbajnë bebelina gjatë ditës, ndërsa për të hequr bebelinat natën, nevojitet më shumë kohë. Por sapo të jeni siguruar se fëmija ka mësuar të shkojë në banjë gjatë ditës, mund të filloni me përpjekjet edhe për natën.
Kur të filloni me heqjen e bebelinës natën, shtroni një copë me material të papërshkueshëm nga urina për të mbrojtur dyshekun. Mësojeni fëmijën që gjithmonë para gjumit të shkojë në tualet.
Lërini një uturak në dhomën e tij, që nëse ngrihet për të urinuar, të mos i duhet të shkojë shumë larg. Vendosni një dritë gjumi në dhomë që të jetë më e thjeshtë për fëmijën.
Disa prindër, kur zgjohen natën për të shkuar në tualet, marrin edhe fëmijët e tyre, për t’i mësuar. Mund të provoni edhe këtë teknikë për të parë nëse funksionon me fëmijët tuaj.
Në mëngjes, mësojeni fëmijën të kontrollojë veten nëse ka bërë ose jo urinë në shtrat. Nëse nuk ka bërë mund ta përgëzoni e ta inkurajoni. Por, mos prisni rezultate të menjëhershme.
Urina në shtrat konsiderohet normale deri në moshen 5-vjeçare.
Lexo edhe: Sa here ne dite duhet te ndryshohet bebelina e femijem?
Për të lënë një koment ju duhet të jeni regjistruar Identifikohu