Të gjithë prindërit dëshirojnë që fëmija i tyre mos të mbështetet tek ata edhe për gjërat më të lehta. Gjithsesi në jetën reale prakticiteti bën që prindërit të marrin përsipër të gjitha gjërat që fëmija i tyre mund t’i bëj edhe vetë shumë mirë. Ne duam që fëmijët ta përgatisin vetë mëngjesin, të vishen vetë apo të vënë rregull në dhomën e tyre, por fatkeqësisht shumë prindër për shkak të “axhendës së ngjeshur”, e kanë më të thjeshtë t’i bëjnë vetë këto gjëra sesa të mësojnë fëmijët. Por me pak durim dhe përpjekje ju mund t’i mësoni fëmijët tuaj të bëjnë disa punë të lehta të cilat do t’i bënin ata paksa më të pavarur.
Më poshtë janë 4 hapat që duhet të ndiqni për ta bërë këtë gjë.
Bëjeni fëmijën të kuptojë
I shpjegoni fëmijës suaj se tashmë ai ose ajo është rritur dhe se duhet të fillojë të bëjë më shumë gjëra vetë. Duhet t’i shpjegoni sa e rëndësishme është që ata të mësojnë t’i bëjnë vetë këto “punë”. Të bëni fëmijën tuaj t’i kuptojë gjithë këto proçese është hapi më i rëndësishëm që duhet të ndërmerrni në këtë rrugëtim. Duke i kuptuar dhe mësuar këto të gjitha këto “proçese”, fëmija juaj është duke u munduar t’ju provojë juve se ai/ajo është rritur dhe tashmë mund të kujdeset për veten.
Merrini gjërat me ngadalë
Këto aktivitete nuk mësohen brenda natës. Mbani mend që qëllimi juaj nuk është tu mësoni fëmijëve të bëjnë disa punë por për tu mësuar atyre të bëhen pak më të pavarur nga ju. Fakti që ata po ju ndihmojnë me disa punë është një nga përfitimet e këtij qëllimi.Filloni me disa proçese të thjeshta si pastrimi i pjatës pas darkës, të fillojë të vishet vetë apo të shtrojë mbulesën e tryezës.
Kini durim
Kur i kaloni fëmijës përgjegjësinë e kryerjes së një pune, tregohuni të duruar kur t’i shpjegoni se si bëhet ajo punë. Në këtë fazë është e rëndësishme të zhvilloni një plan me punët dhe oraret përkatëse, kur fëmijët duhet t’i bëjnë ato. Është gjithashtu e rëndësishme për ju që të dini se fëmijët do të bëjnë edhe gabime, dhe jo gjithmonë do t’i përfundojnë punët që ju i keni caktuar. Ky nuk është problem shumë madhor pasi qëllimi kryesor i gjithë këtij proçesi është që ata të kuptojnë që duke u kujdesur vetë për disa punë ata mund të bëhen më të pavarur.
Punoni në skuadër
Ndonjëherë fëmijët do të refuzojnë të bëjnë diçka për asye të ndryshme, ndaj është e rëndësishme që të zhvilloni një dialog të hapur me ta në mënyrë që ata t’ju shpjegojnë arsyet se përse refuzojnë ta bëjnë atë punë. Në këto raste mirë ështu që tu shpjegoni fëmijëve se ju mund ta kryeni edhe vetë atë punë por në familje të gjithë duhet të kontribuojnë sadopak për punët e shtëpisë dhe aq më tepër për ato personale.
')}
Për të lënë një koment ju duhet të jeni regjistruar Identifikohu