Në kohët e sotme anglishtja është pa asnjë dyshim gjuha më e folur në botë dhe ajo që fëmijët e sotëm do të duhet të dinë për të udhëtuar kudo, pa pasur kufij.

Por si të mësojmë fëmijët anglisht natyrisht? Dhe në çfarë moshe filloni të mësoni një gjuhë të huaj? Dhe mbi të gjitha: si t’i mësojmë anglisht fëmijëve nëse as prindërit nuk e flasin atë?

Këshillat e mëposhtme zbatohen për të mësuar çfarëdo gjuhe të huaj, por ky artikull do të përqëndrohet për të mësuar anglishten fëmijëve në mënyrë të natyrshme me këngë, video, lojëra, karikatura dhe aktivitete që promovojnë mësimin e gjuhës e lirë, duke luajtur dhe duke marrë kënaqësu,

Mësimi i anglishtes për fëmijët: kur duhet të fillojë?

Është e rëndësishme të dini se është gjithmonë koha e duhur për të mësuar një gjuhë të huaj tek një fëmijë. Thjesht duke qenë në kontakt me një gjuhë i lejojmë fëmijës ta mësojë atë. E njëjta gjë vlen edhe për anglishten: është e nevojshme t’i ofrojmë fëmijës, menjëherë, aftësinë për të dëgjuar gjuhën angleze, qoftë edhe në sfond, pa nevojën e ndërveprimit.

Deri në 6 vjeç, është vërtetuar shkencërisht se një fëmijë mëson një gjuhë të huaj duke imituar dhe dëgjuar. Pas 6 vjetësh, mësimi i anglishtes do të bëhet “skolastik” dhe, në disa aspekte, më pak i natyrshëm.

Pra, ideale do të ishte që fëmija të mësonte anglishten që nga ditët e para të jetës. Askush nuk pret që fëmija të lexojë apo shkruajë për të mësuar gjuhën amtare. Kështu duhet të jetë edhe për gjuhën angleze. Disa muaj është më mirë se tre vjeç dhe tre vjeç është më mirë se 6.

Në këtë fazë të parë nuk është e nevojshme të regjistrohet fëmija në kurset e anglishtes, shpesh shumë të shtrenjta. Teknologjia u mundëson të gjithë prindërve, madje edhe atyre që nuk e njohin gjuhën, t’u mësojnë anglisht falas fëmijëve të tyre me aktivitete dhe lojëra që bëhen në shtëpi.

Këngë anglisht për fëmijët: cilat duhen zgjedhur?

Bukuria e një fëmije të vogël është se ai mëson gjithçka duke dëgjuar. Nuk është e nevojshme të mësohet një i porsalindur në një mënyrë të strukturuar. Mjafton që fëmija të ketë mundësi kontakti me gjuhën që dëshiron të mësojë dhe ai mund ta mësojë atë natyrshëm.

Për shembull, një metodë e dobishme për të mësuar gjuhën angleze për një fëmijë që nga mosha e hershme është të mbash në sfond, në çastet kur fëmija luan mbi qilim ose gjatë ushqyerjes me gji, këngët në gjuhën angleze. Këngët dhe tregimet në anglisht janë lehtësisht të disponueshme në Youtube në sasi të mëdha. Ka koleksione të këngëve në gjuhën angleze për fëmijët që janë të dizajnuara posaçërisht për të mësuar.

Shumë e dobishme mund të jetë gjithashtu që gjithmonë fëmija të dëgjojë të njëjtën ninullë në gjuhën angleze. Gjithashtu për të gjetur një ninullë anglisht, youtube është një burim i pakufizuar.

Gjëja e rëndësishme është të lejohet që vetëm videoja të flasë në gjuhën angleze, përveçse nëse prindi ka një shqiptim perfekt. Foshnja, në fakt, duhet t’i mësojë me ritëm, shqiptim, tingujt në gjuhën angleze dhe është thelbësore që t’iI asimilojë ato të sakta nga gjuha angleze.

Karikaturat në gjuhën angleze për fëmijët që të mësojnë gjuhën me video

Pas fazës së parë të përshtatjes me këngë, ngadalë, kur fëmija fillon të thotë tingujt e para (zanore të përsëritura), është mirë që të kaloni tek karikaturat në gjuhën angleze, me dialogje më të strukturuara.

Nuk është e rëndësishme nëse fëmija kupton se çfarë po thuhet apo jo. Edhe në këtë fazë është e rëndësishme që fëmija të ketë mundësi të dëgjojë në anglisht disa herë në ditë.

Ideale do të ishte krijimi i momenteve specifike në të cilat mësoni anglisht.

Një lloj rutine kushtuar mësimit të gjuhës angleze.

Për shembull: para ushqimit ju shikoni një karikaturë në anglisht. Pastaj, ndërsa fëmija luan, ju mund të lini Youtube në sfond me këngët në anglisht. Në këtë mënyrë, fëmija do të mësojë anglisht pasivisht, pa e kuptuar atë.

Natyrisht, mësimi i anglishtes tek një fëmijë nuk duhet të bëhet fiksim. Është e domosdoshme ta bëjmë atë në një mënyrë të natyrshme dhe të këndshme, duke i propozuar fëmijës momente qesharake për t’ia përshtatur anglishten në mënyrë indirekte.

Lojëra në anglisht për fëmijët: të mësojnë anglisht ndërsa argëtohen

Me fëmijët më të mëdhenj, mësimi i anglishtes mund të lidhet me lojëra argëtimi, aktivitete të ndryshme dhe mund të jetë një përforcim i mësimeve të anglishtes që janë bërë tashmë në shkollë.

Një nga lojërat në gjuhën angleze që fëmijët preferojnë është ajo me mimika: vizatoni një kartë me një objekt në gjuhën angleze dhe bëjeni të mendojë së bashku me miqtë ose prindërit, thjesht duke e imituar atë.

Një tjetër lojë në gjuhën angleze që është shumë popullore janë grupimet e fjalëve: kush mund të gjejë sa më shumë fjalë në gjuhën angleze në lidhje me një zonë të caktuar ose më shumë fjalë që fillojnë me të njëjtën gërmë (ushqim dhe pije, lodra, ngjyra, rroba, kafshët, forma).

Gjëja e rëndësishme që të mos ngutemi në mësimin e gjuhës angleze. Të mos presim reagime të menjëhershme dhe të dukshme nga fëmija. Mësimi i gjuhës angleze është një proces i gjatë: një fëmijë që mëson gjuhën e tij na merr më shumë se 2 vjet pavarësisht se dëgjon dhe komunikon çdo ditë në të. Mësimi i një gjuhe të huaj domosdoshmërisht kërkon shumë më tepër kohë dhe efektet nuk janë të qarta. Megjithatë, si në çdo proces arsimor dhe të mësuarit arrihet me qetësi.

Nuk është e nevojshme që prindërit të flasin anglisht që edhe fëmijët ta mësojnë,

Në rastin e familjeve dygjuhëshe, ku një ose të dy prindërit flasin anglisht, të mësojnë një gjuhë të huaj për fëmijët është padyshim më e lehtë dhe më e menjëhershme

Por në shumicën e rasteve, në familje, asnjëri nga prindërit nuk e ka të përvetësuar anglishten, madje shpesh as nuk e dinë atë.

Në këto raste është shumë e rëndësishme që ka një fazë fillestare të dëgjimit pasiv të këngëve dhe video në anglisht: Youtube patjetër ndihmon shumë në gjetjen e tregimeve në gjuhën angleze, karikaturat dhe këngëve.

Kurset angleze për fëmijët: a janë me të vërtetë të dobishme?

Kurset në anglisht për fëmijët shpesh bëhen me thellësi dhe respektojnë zhvillimin natyror psikologjik dhe gjuhësor të secilës grupmoshe.

Në vendet më të zhvilluara se ne ka kurse në anglisht për fëmijët shumë të vegjël, madje edhe në muajt e parë të jetës. Në këto kurse, e gjitha ajo që bëhet është  të krijohet një mjedis ku të porsalindurit dëgjojnë pasivisht gjuhën angleze. Ky aktivitet mësimor i anglishtes mund të përsëritet lehtësisht në shtëpi, falas.

Të ndjekësh kurse të gjuhës angleze për fëmijët është gjithmonë një mundësi pozitive për shoqërizimin e tyre dhe një aktivitet të rëndësishëm dhe shumë edukativ, por nuk është thelbësor.

Me rritjen ama, një kurs në anglisht padyshim është i dobishëm për të inkurajuar ndërveprimin aktiv midis fëmijës dhe mësuesit të anglishtes dhe midis fëmijëve.

Zgjedhja e kursit më të përshtatshëm të gjuhës angleze për fëmijën tuaj duhet të marrë parasysh disa aspekte themelore në mënyrë që kursi të jetë efektiv:

• fëmija duhet të dëshirojë të marrë pjesë në kursin e gjuhës angleze;
• mësimi në gjuhën angleze duhet të organizohet si një lojë (dituri, aktivitete, punë);
• mësuesit duhet të jenë folës të gjuhës angleze të certifikuar, me shqiptim pothuajse të përsosur;
• materiali në gjuhën angleze, veçanërisht materiali audio, duhet të vihet në dispozicion të familjeve për të qenë në gjendje ta dëgjojnë atë në shtëpi në baza të rregullta.

Lexo edhe: “Ma thuaj me fjale”, fraza qe demton femijet