Çfarë duhet të dini rreth ilaçeve që i jepni fëmijës tuaj?

Doktori ose farmacisti juaj duhet ti përgjigjet të gjitha pyetjeve tuaja për ilaçet që merren me apo pa rekomandimin e mjekut.
Më poshtë janë renditur informacionet kryesore që duhet të dini rreth ilaçeve që do t’i jepni fëmijës tuaj:

⦁ Emrin e medikamentit
⦁ Përse shërben ilaçi
⦁ Doza (sasia) në të cilën merret medikament
⦁ Si duhet të matet sasia
⦁ Sa herë në ditë duhet të përdoret dhe kur, para apo pas ngrënies
⦁ Kohëzgjatja e përdorimit të tij
⦁ Si të kuptoni nëse ilaçi po jep efektet e duhura
⦁ Efektet anësore më të shpeshta

Çfarë duhet ti themi doktorit? Mos harroni!

Kur doktori ju jep rekomandim për një medikament sigurohuni ta vini në dijeni për këto gjera:
⦁ Për ilaçet e tjera të cilat femija juaj është duke përdorur
⦁ Për alergjit që femija juaj mund të ketë nga ndonje medikament

Shpjegimet që duhet të bëjë farmacisti.

Farmacisti duhet t’ju shpjegojë për përdorimin e ilaçit të fëmijes tuaj dhe duhet t’i përgjigjet të gjitha pyetjeve që ju mund të keni në lidhje me medikamentet. Për ilaçet e lëngshme ai duhet t’ju japë juve pajisjen për matjen e sasise ose vëllimit të ilaçit dhe t’ju mësoj ta përdorni siç duhet.

Çfarë duhet të bëj nëse fëmija im nuk dëshiron t’i pijë ilaçet?

Ka shumë gjëra që ju mund të beni që ilaçet të kenë shije më të mirë për fëmijët tuaj. Vendoseni në figorifer nëse janë ilaçe të lëngshme. Nëse fëmija juaj nuk e do ilaçin për shkak të shijes mund të mos ketë probleme nëse e përzieni me pak lëng frutash apo me diçka tjetër që femija juaj e pëlqen (pyesni doktorin apo farmacistin nëse mund ta beni këtë). Disa farmacistë kanë esenca për shijen të cilat i përziejnë me ilaçet përpara se ju ti blini. Ju gjithashtu duhet ti shpjegoni fëmijës tuaj se si e ndihmojnë ilaçet për te qënë i shëndetshëm apo për tu ndjer më mirë.

')}