Lëkura e bebes ka nevojë të pastrohet dhe trajtohet me produkte specifike të cilat duhet të jenë gjithashtu delikate në mënyrë që të respektojnë pH e saj. Duke qënë kështu produktet duhet të jenë të posaçme për bebe.
Karakteristikat që duhet të kenë këto produkte:
• Duhet të jenë prodhuar nga përbërës natyralë të cilët nuk duhet të jenë aspak helmuese;
• Duhet të respektojnë pH e lëkurës;
• Të jenë të testuara në laboratoret dermatologjike;
• Të mos kenë përbajtje parabeni si edhe fenosietanoli.
Cilat janë produktet që mund të blini për fëmijën
• Vaj banjoje. Ushqen dhe mbron lëkurën e fëmijës që në ditët e para të jetës. Vaji mund të hidhet në ujin e banjos pasi e le lëkurën të butë dhe të hidratuar. Mund të përdoret edhe për pastrimin e flokëve.
• Krem trupi. Nëse do të përdorni një krem trupi duhet të zgjidhni një që të sigurojë hidratim dhe mbrojtje për 24 orë. Ai duhet të jetë një krem që absorbohet shpejt dhe nuk ngjit.
• Krem me oksid zinku. Ai mund të përdoret në zonat delikate, si për shembull në zonën e bebelinës. Ky krem siguron një mbrojtje të mirë si edhe parandalon apo trajton skuqjet e lëkurës, duke favorizuar rigjenerimin e lëkurës.
• Vaj masazhi. Masazhi është shumë i rëndësishëm për të qetësuar fëmijën para gjumit dhe në rast kolikash. Ai gjithashtu hidraton lëkurën edhe në rast se ajo është e thatë.