Humusi është një ushqim me shumë shije dhe vlera ushqyese dhe mund të përgatitet shumë thjesht. Nëse i jepni një ngjyrë të kuqerremtë është edhe më i bukur dhe i shëndetshëm.
Përbërësit
- 2 lugë të vogla me hudhra;
- Pak majdanoz;
- ⅓ filxhan lëng limoni;
- ⅔ filxhan tahini;
- 1 lugë të vogël me kripë;
- 8 panxharë të zier;
- 2 kupa të vogla me qiqra;
- 3 kube akulli;
- ¼ filxhan vaj ulliri;
- Fara susami;
- Erëza të ndryshme të copëtuara.
Përgatitja
Me një blender përzieni hudhrën, majdanozin, lëngun e limonit, tahinin dhe kripën. Shtoni panxharin me qiqrat dhe vazhdoni t’i rrihni derisa të përftoni një pastë. Hidhni kubet e akullit, më pas dalëngadalë vajin e ullirit dhe përziejini derisa masa të jetë një përizerje e butë.
Në fund shtoni farat e susamit dhe erëzat.
Pjata është gati për t’u shërbyer.
Lexo edhe: Panxhari i kuq, 7 arsye pse duhet ta konsumojme
Për të lënë një koment ju duhet të jeni regjistruar Identifikohu