loading

Si te parandalojme SIDS?

0 0

SIDS është sindroma e vdekjes së papritur së laktantit në djep, e cila prek në mënyrë të papritur fëmijët 1-12 muaj. Edhe pse shkaqet që shkaktojnë SIDS ende nuk dihen, specialistët japin disa këshilla për ta parandaluar.
1- Vendoseni gjithmonë të flerë në shpinë
Fëmija duhet të flerë gjithmonë me barkun lart, të paktën derisa ai të jetë në gjendje të rrotullohet pa ndihmën e dikujt ( rreth moshës 1-vjeçare ). Mos i vendosni batanije apo mbështetëse të tjera për ta mbajtur në pozicionin e duhur, pasi ato natën mund të spostohen dhe te bllokojnë rrugët e frymëmarrjes së fëmijës.
2- Veshja duhet të përbëhet prej vetëm një tute të hollë
Gjatë gjumit fëmija nuk duhet të vishet me shumë rroba. Mjafton një trupore ose tutë e hollë. Ju duhet të përdorni batanije të përshtatshme për masën e fëmijës, të cilat nuk duhet të jenë të rënda. Idealja do të ishte përdorimi i batanijeve “thes”, të cilat nuk do të rrezikojnë bllokimin e rrugëve të frymëmarrjes.
3- Dysheku nuk duhet të jetë shumë i butë
Sigurohuni që dysheku të jetë i fortë dhe i përshtatshëm për krevatin apo djepin ku fle fëmija. Një shtrat shumë i butë mund të ndikojë në bllokimin e frymëmarrjes së fëmijës.
4- Këmbët e fëmijës duhet të prekin fundin e krevatit
Në këtë mënyrë ju do të jeni më të sigurt që fëmija nuk do të futet poshtë çarçafëve. Batanija duhet të jetë e hollë dhe nuk duhet të vendoset më lart se sqetullat.
5- Ambienti ku fle fëmija nuk duhet të jetë shumë i nxehtë
Temperatura e dhomës duhet të jetë gjithmonë rreth 20 gradë.
6- Në djepin apo krevatin e fëmijës duhet të jetë vetëm ai
Në krevatin e fëmijës nuk duhet të ketë asgjë tjetër përveç fëmijës. Mos vendosni atje arushë dhe lodra të tjera, jorganë, jastëkë etj. Vendosja e lodrave brenda krevatit mund të jetë diçka e bukur për t’u parë por e rrezikshme për fëmijën.
7- Ndani me të dhomën por jo krevatin
E mbani fëmijën për të fjetur në dhomën tuaj, por jo në krevatin tuaj. Vendoseni djepin apo krevatin e fëmijës pranë tuajit në mënyrë që ta kontrolloni më me lehtësi. Ndërsa i jepni gji ju mund ta merrni në krevatin tuaj, por më pas duhet ta vendosni sërish tek i veti.
8- Ushqyerja me gji
Sipas një studimi fëmijët të cilët janë ushqyer me gji, qoftë edhe për një periudhë të shkurtër kohore, janë më pak të rrezikuar nga SIDS.

Lexoni dhe: Sids:Rregullat qe shpetojne jete

Për të lënë një koment ju duhet të jeni regjistruar Identifikohu



Materiale te ngjashme

Si ndikon djersa tek ata...

Në verë, rritet numri i njerëzve (të rritur dhe fëmijë) me probleme të urtikaries. Kjo varet nga nxehtësia, djersitja e theksuar, por edhe nga pjeshkët dhe luleshtrydhet. Ilaçet dhe efektet...

Frutat e sitnës së verës,...

Të ëmbla, plot aromë dhe plot ngjyra. Frutat zakonisht u pëlqejnë të gjithë fëmijëve, por disa lloje mund të shkaktojnë alergji dhe duhet të shmangni problemet për fëmijën. Pjeshkat, kajsitë,...

5 mënyra se si të...

Nëse po atëherë për të mbështetur sistemin tretës të foshnjës tuaj, mund të bëni disa gjëra në mënyrë që i vogli juaj të ndihet më rehat. Më poshtë ju tregojmë...

Johnson’s CottonTouch™ Newborn wash &...

Kur vjen çështja për shëndetin, rehatinë apo për mirëqenien e të porsalindurit në tërësi, nënat e reja nisin të lexojnë humultimet, fillojnë të bëjnë pyetjet të shumta në çdo ambient...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X