Gjatë një viti vijnë në jetë me probleme të lindura gjatë zhvillimit ne barkun e nënës rreth 3-6% e të porsalindurve, që do të thotë se miliona bebe dhe familje jetojnë mes vështirësive që shkaktojnë kushte të tilla si për shembull spina bifida, problemet në zemër etj. Duke qënë kështu gjatë shtatzanisë është e rëndësishme të favorizohet zhvillimi i mirë i fëmijës.
Si të parandalojmë defektet e lindura të fëmijës?
Ka disa mënyra për të rritur shanset e një shtatzanie dhe fëmijë të shëndetshëm dhe kjo nënkupton ndryshimin e disa zakoneve që keni pasur në të jetuar.
- Gjëja e parë që duhet të bëni është të ushqeheni shëndetshëm, të konsumoni vakte të balancuara dhe të ushqyeshme, të merrni rregullisht multivitaminat dhe acidin folik prej 400 mg në ditë;
- Nëse jeni duke kërkuar një shtatzani duhet të filloni të merrni acidin folik, sërish në të njëjtën sasi prej 400 mg në ditë si edhe të flisni me mjekun për mundësinë e marrjes së vitaminave të tjera të grupit B;
- Evitoni të gjitha veprimet e dëmshme që ndikojnë potencialisht në defektet e fëmjës, duke përfshirë alkoolin, duhanin, drogërat, dhe kafeinën;
- Bëni vizita dhe analiza vjetore tek gjinekologu, dhe nëse nevojitet edhe më të shpeshta;
- Bëni analiza specifike në lidhje me sëmundjet gjenetike, sidomos nëse keni raste të tilla në familje apo jeni në moshë të madhe.
Mos harroni se disa nga defektet e lindura janë edhe shkaqe për humbjen e jetës të fëmijës në disa shtete të ndryshme, ndërsa të tjerët jetojnë si persona me aftësi të kufizuar përgjatë gjithë jetës. Numri më i madh i personave me aftësi të kufizuar shënohet nga problemet në tubin neural, të cilat shkaktojnë mangësi në zhvillimin e trurit dhe palcës, dhe këto probleme në më të shumtën e rasteve parandalohen pikërisht duke marrë sasinë e duhur të vitaminës B, ushqimeve te tilla si buka dhe orizi integral, si edhe të tjerave të pasura me acid folik.
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu