E keni menduar ndonjëherë se si mund të jetë të fillojë proçesi i lindjes para periudhës së parashikuar, ndërkohë që ju ende nuk keni organizuar asgjë të nevojshme? E keni menduar ndonjëherë se sa e vështirë mund të jetë të përgatisni valixhen e maternitetit apo gjithcka tjetër ndërkohë që ujërat kanë plasur apo kontraksionet kanë filluar? Për të parandaluar që të ndodhë diçka e tillë duhet që të organizoni herët gjithçka të nevojshme, dhe konkretisht:
 Lindje me operacion apo natyrale?
Mirë është që dëshira t’ju drejtojë për lindje natyrale! Lindja me operacion nuk është një mënyrë për të lehtësuar dhimbjet, por një operacion me kuptimin e vërtetë të fjalës. Nëse do të nevojitet një i tillë në momentin e fundit le të jetë mjeku që ta vendosë në sallën e lindjes.
 Valixhja e materitetit.
Këtë duhet ta përgatisni ende pa hyrë në muajin e fundit të shtatëzanisë, dhe në këtë moment duhet të merrni informacionin e duhur në strukturë ku do të lindi.
 Spital privat apo shtetëror?
Kjo është një zgjedhje mjaft personale, e cila sigurisht që duhet të bëhet edhe duke marrë në konsideratë të hollat që keni në dispozicion për këtë proçes.
 Epidural apo jo?
Kjo është një metodë që po përdoret shumë në momentin e lindjes, por që sigurisht që është një zgjedhje tepër personale, përveç rasteve kur kushtet shëndetësore e përjashtojnë si mundësi. Edhe këtë duhet ta vendosni më parë duke e biseduar me mjekun tuaj.
 Përkujdesja për fëmijën tjetër (nëse e keni një më të madh).
Edhe kjo është një zgjdhje shumë e rëndësishme dhe për këtë arsye duhet të mendoni se kush do të jetë personi që do të kudjeset për të ndërsa ju jeni në spital.

Lexoni edhe: Narkoza gjate lindjes me operacion