Ka shumë faktorë që mund të shkaktojnë urinim të shpeshtë. Disa prej tyre mund të jenë edhe gjendje shëndetësore, që kanë nevojë për kurim, por gjithsesi ka edhe mënyra të tjera (veç kurimit kur është i domosdoshëm) që mund të provoni për të normalizuar urinimin e shpeshtë.

• kufizoni sasinë e konsumuar të sodës, kafeinës dhe alkoolit, ose shmangini ato plotësisht;
• pini 8 gota ujë në ditë;
• urinoni para dhe pas marrëdhënies seksuale dhe pastrohuni duke u fshirë nga përpara-pas, pasi keni përdorur banjën;
• provoni suplemente probiotike ose ushqime të pasura me probiotikë, duke përfshirë kosin dhe kefirin. Probiotikët mund të mbështesin shëndetin gjenital dhe urinar;
• shmangni përdorimin e produkteve me aroma rreth zonës gjenitale;
• vishni të brendshme pambuku dhe veshje të gjera për të parandaluar infeksionin dhe acarimin;
• praktikoni ushtrime që forcojnë muskujt e dobët të legenit;
• mbani një peshë të shëndetshme për të shmangur presionin e shtuar mbi muskujt e legenit dhe fshikëzën e urinës.

Për disa njerëz ndihmon edhe vendosja e një orari për të shkuar në tualet. Kjo përfshin përcaktimin e orareve të sakta kur shkoni për të urinuar dhe duke e rritur kohëzgjatjen gradualisht midis vizitave në tualet, derisa të ketë një diferencë prej tre orësh.