Sindroma Asperger është e rrallë dhe shpesh e panjohur për nënat. Në po ju sjellim një informacion me qëllim edukativ, duke theksuar se vlerësimin e gjendjes së fëmijës dhe për pasojë diagnostikimin e bën vetem mjeku!

Sindroma Asperger është një çrregullim në nivel neurologjik, që i përket familjes së spektrit të autizmit.

Cilat janë simptomat e kësaj sindrome?

• Fëmija fiksohet tek një aktivitet i vetëm. Ai mund të tregojë interes për orë të tëra vetëm për një send apo veprimtari të caktuar.
• Ngjan me një profesor gjuhe. Ai duket sikur ka një zhvillim shumë të mirë gjuhësor, por vetëm se ai është i përket një teme të vetme.
• Vështirësi në të lexuar dhe socializim. Fëmija mund të mos respektojë radhën e tjetrit, mund të pëlqejë shoqërinë e fëmijëve por nuk përfshihet dot në biseda, ka vështirësi në të kuptuarin e gjuhës së trupit.
• Ka nevojë për një rutinë. Këta fëmijë duan të ndjekin një program të caktuar dhe nëse ju nuk dëshironi që ata të nervozohen, duhet t’i lajmëroni më parë në lidhje me një ndryshim të caktuar.
• Kanë luhatje humori. Kjo lidhet pak edhe me pikën e mësipërme. Ata shfaqin luhatje të theksuar emocionale kur “gjërat dalin nga kontrolli.”
• Ata duken sikur jetojnë në empati. Bota e tyre duket sikur ësht bosh dhe nuk ju interesojnë aspak ndjenjat e të tjerëve.
• Nuk kuptojnë thelbin e bisedës. Nëse jeni duke bërë shaka me siguri ata do të vazhdojnë të jenë seriozë.
• Kanë një gjuhë të pazakontë trupi. Bëjnë veprime të çuditshme dhe shprehi ta pazakonta fytyre. Mungon kontakti sy me sy.
• Nuk kanë aftësi të mira motorrike. Duke filluar nga aftësia e të shkruarit dhe deri tek përdorimi i bicikletës.
• Janë shumë të ndjeshëm. Ata janë të ndjeshëm ndaj zhurmave, dritës, prekjes, madje edhe ndaj disa llojeve të materialeve të veshjes.