Shtatzania jashtë mitre konsiderohet ajo shtatzani, në të cilën embrion vendoset jashtë mureve të mitrës, pra në brendësi të mureve të mitrës ose nëpër tuba. Shtatzania më me rrezik është pikërisht ajo që formohet nëpër tubat. Sipas disa të dhënave që vijnë nga SHBA kjo formë e shtatzanisë është më e përhapur tek gratë që kanë pasur më parë një fëmijë.

Cilat janë shkaqet kryesore të kësaj shtatzanie?

Shkaqet janë të ndryshme dhe mund të përmendim:

• Zhvillim jo i mirë i organeve të brendshme dhe në përgjithësi të tubave, të cilat duke mos pasur tonifikimin e duhur nuk janë në gjendje të shtyjnë më tej embrionin.
• Tubat janë shumë të gjatë dhe në disa raste edhe me keqformime. Kështu embrioni kalon një kohë të gjatë në tuba dhe më pas vendoset atje.
• Një infeksion i mundshëm bakterial që krijon një gjendje inflamacioni, i cili bën të mundur ngushtimin e tubave nga do të kalojë embrioni.
• Endometrioza e tubave. Kjo patologji e modifikon brendësinë e tubave duke e bërë të ngjashme me uterusin. Kështu veza e “ngatërron” dhe mendon se ka gjetur një vend të përshtatshëm për t’u vendosur.

Cilat janë simptomat?

Fatkeqësisht këto shenja ngatërrohen dhe nuk merren në konsideratë sepse janë të ngjashme me ato të një shtatzanie normale. Pra gruaja mund të ndiejë të përziera, të vjella, dhimbje të lehta barku. Më pas, me kalimin e kohës, tek ajo do të paraqiten shenjat tipike të një aborti spontan, pra rrjedhje ematike (gjak me mpiksje), rritet dhimbja abdominale etj. Nëse do të kryeni një test shtatzanie ai do të dalë pozitivisht. Diagnostikimi më i saktë do të kryhet duke bërë një ekografi transvaginale. Nëse do të jeni duke zhvilluar në trupin tuaj një shtatzani jashtë mitre, nuk duhet ta vazhdoni më, pra do të përfundojë në abort.

Regjistrohu edhe ti ne portalin pernenat.al