Gjatë shtatzanisë dëshira e nënës është të trajtojë të gjitha problemet që mund të shfaqen në mënyrë natyrale, dhe kështu do të ndodhë edhe në rast se ajo ka mungesë hekuri, një problem jo pak i rallë në këtë periudhë delikate.

Ndërsa sipas ekspertëve drithërat e pasura me hekur janë një prej burimeve më të mira, ajo duhet të konsumojë edhe:

• Mish (edhe mish qingji, deri), karkaleca, pulë, gjel deti, proshutë (jo krudo), vezë;
• Spinaq, kale (perime në formë gjethesh), domate, bishtaja, brokoli, patate të ëmbël, bizele, rukola, gjethet e rrepave;
• Luleshtrydhe, rrushi i thatë, shalqiri, kumbullat, fiku, pjeshkët e thata. kajstë e thata;
• Fasulet e bardha, të kuqe, thjerrëzat, bizelet e thata, fistikët, kungulli dhe farat e kungullit;
• Buka integrale, patatet e pjekura, tërshëra, misri, makaronat dhe orizi integral etj.

Absorbimi i hekurit

Jo të gjitha ushqimet kanë sasi të njëjtë hekuri që absorbohet nga trupi i njeriut. Prandaj është e rëndëishme të favorizoni absorbimin e tij duke konsumuar ushqime të pasura me vitaminën C, të cilat mund të jenë specat, kivi, portokalli, qitroja, luleshtrydhet, lakra e brukselit, pjepri, papaja etj.