Spitalet po mundohen të gjejnë mënyra të reja për ta bërë banjën e pare të bebit një eksperiencë sa më të mirë e të rehatshme. Në ”UC Health Pouder Valley Hospital Womens Care” në Kolorado po mundohen t’i bëjnë bebet të qëndrojnë sa më rehat, duke i mbajtur të mbështjellë gjatë banjës së tyre të parë.
“Pouder Valley Hospital” (PVH) është një spital i çertifikuar si “Baby Friendly”, që praktikon rekomandimet e reja për vonesën e banjës së pare. Studime të mbështetura nga Organizata Botërore e Shëndetit tregojnë se verniksi, cipa e bardhe e hollë që mbulon foshnjen, e mbanë atë ngrohtë dhe rregullon sheqerin në gjak, nëse lihet pa u larë 8 deri në 12 orë pas lindjes . PVH pret 24 orë përpara banjës tipike me sfungjerë dhe në vend të saj, ata përdorin një mënyrë më xhentile për të bërë banjën e parë.
Gjatë kësaj banje, bebi mbështillet lirshëm me një batanije dhe zhytet në ujë deri te shpatullat më pas çdo gjumtyrë zbulohet e lahet ngadalë dhe më pas mbulohet sërish. Më parë larja tradicionale me sfungjerë bëhej në një lloj djepi afër lavamanit ku foshnja nuk zhytej në ujë por zhvishej dhe fshihej me një sfungjerë apo rrobë të lagur. Studimet kanë treguar se banja me sfungjerë shkaktonte stres jo vetëm tek bebi por dhe tek prindërit.
Stafi i spitalit përmend këto ndryshime që pas fillimit të aplikimit të kësaj praktike të re: “Bebet duken më të qetë, më të ngrohtë, më të pastër dhe ata nuk qajnë aq shumë sa pas banjës me sfungjer”
Edhe prindërit shprehen të surprizuar nga kjo risi.
Unë isha shumë nervoze, thotë Kelly Crimando një nënë e re. Bebet janë kaq të vegjël e të brishtë dhe kisha dëgjuar se do të qante shumë gjatë banjës së parë por sapo filluam ti bënim banjën nervozizmi im u largua. Ne e thamë dhe e mbështollëm prap bebin dhe më pas e çuam në dhomë ku fjeti për 2 orë pa asnjë shqetësim. Ishte një eksperiencë e mrekullueshme ti bëje banjën e parë dhe të shihje sa e qetë dhe sa rehat ishte.
Sipas studimit vetëm 33% e bebeve qanin kur bënin banjë të mbeshjellë në krahasim me 93% të bebeve që qanin kur bënin banjën e zakonshme.
Si mendoni a duhet të fillojë të perdoret kjo praktikë edhe në Shqipëri ?
Lexoni dhe;Banjoja e pare e te porsalindurit
')}
Për të lënë një koment ju duhet të jeni regjistruar Identifikohu