Shpeshherë virozat e gripit tek fëmijët ndikojnë edhe tek gjëndja e tyre emocionale. Kjo i bën ata të ndihen të lodhur, të nervozuar dhe aspak pozitiv. Sigurisht që prindërit nuk ndihen mirë nga kjo gjendje e fëmijëve dhe gjejnë elemetë të ndryshëm për t’i bërë ata ta kalojnë këtë gjendje në një mënyrë sa më të lehtë.
Por, çfarë mund të bëjnë prindërit për të lehtësuar sa më shumë këto simptoma?
Duhet të jeni sa më shumë vigjilentë për të shpikur sa më shumë lojëra që ata të vihen në lëvizje, duhet të gjeni një moment të pushoni së bashku duke dëgjuar muzikë relaksuese dhe mos harroni që fëmija të pijë sa më shumë ujë. Këto janë disa nga këshillat që rekomandohen kur fëmija juaj është sëmurë.
Ndihmoje që të pushojë sa më shumë
Edhe kur nuk je në gjendje të mirë shëndetësore është e rëndësishmë pjesa e të pushuarit. Kur një fëmijë është sëmurë duhet të pushojë më shumë se ditët normale. Nuk duhet të lodhë veten dhe duhet të jetë sa më i qetë. Mund të jetë e vështirë t’i bindësh që të flenë pak në mbasdite por ajo qetësia e gjumit e ndihmon ta marrë më shpejt veten. Gjithashtu përpiquni të mos i bezdisni shumë dhe ti lini sa më të qetë, madje mund tu lexoni ndonje libër që s’ja keni lexuar më parë.
Mbajeni sa më të hidratuar
Kur një fëmijë nuk është në gjendje të mirë shëndetësore, nuk është se ka dëshirë të konsumojë ushqim. Por me pak këmbëngulje ju duhet ta bëni atë të hajë sa më shumë fruta dhe të pijë sa më shumë lëngje. Kjo ndihmon që kjo periudhë ta kalojë më shpejt dhe të mos ndihet i dehidratuar.
Hundët t’i ketë gjithmonë të pastra
Fëmijët janë tepër delikatë, ftohen shumë shpejt dhe kjo gjë i çon drejt bllokimit të hundëve. Ju duhet ta mbani ambientin ku qendron fëmija sa më pastër në mënyrë që të kalojë sa më shpejt zhbllokimin e hundëve. Githashtu një mënyrë e mirë për ti zhbllokuar hundët është që t’i hidhni pak serum dhe me një pompë të vogël të bëni zhbllokimin e tyre (aerosolin).
Mundohuni ta shpërqëndroni sa më shumë
Shpërqëndrimi i bën ata të humbasin sa më shumë mendjen dhe të harrojnë se si mund të ndihen vërtet. Kjo kërkon vetëm një krijimtari nga ana e prindërve që tu humbasin mendjen fëmijëve kur janë sëmurë. Një film i mirë, një lojë e bukur i argëton ata sado pak dhe i bën të ndihen më mirë. Duhet të jeni gjithë kohës duke shpikur diçka sa më kreative që ti bëni për vete fëmijët tuaj.
Lexoni edhe: Perse femija eshte vazhdimisht i semure?
')}
Për të lënë një koment ju duhet të jeni regjistruar Identifikohu