Një nga gjërat më të vështira në një lidhje është të sillesh mirë me partnerin kur je mërzitur me të. Është gjithashtu një nga momentet më të rëndësishme për të qenë i sjellshëm.

Hulumtimi i doktor Gottman tregon se çiftet që fillojnë argumentet më butësisht kanë më shumë të ngjarë të menaxhojnë konfliktin në mënyrë efektive, pa dëmtuar marrëdhëniet. Në fakt, pikërisht në këto momente Dr. Gottman mund të parashikojë suksesin ose dështimin e marrëdhënies me saktësi mbi 90%.

Në një intervistë të njohur për revistën Atlantike, Dr. Julie Gottman shpjegon se, “Mirësia nuk do të thotë që ne nuk shprehim zemërimin tonë, por mirësia tregon se si zgjedhim të shprehim zemërimin. Ju mund të hidhni shigjeta tek partneri juaj. Ose mund të shpjegoni pse jeni të lënduar dhe të zemëruar, dhe kjo është rruga më e mirë”.

Betimi i mirësisë

Mirësia nuk është vetëm e rëndësishme në nxehtësinë e një argumenti, përkundrazi, ka të bëjë me sjelljen tuaj të ndërgjegjshme dhe të vëmendshme gjatë gjithë marrëdhënies suaj.

Kur hyjmë në një marrëdhënie të përkushtuar, shumica prej nesh bëjnë një lloj deklaratë – një premtim – që ne do të mbështesim partnerin tonë dhe do të kujdesemi për të. Ne gjithashtu bëjmë një premtim sekondar: që do të jemi vetë më të mirët, plot integritet dhe shpresë për një të ardhme të suksesshme.

Akti i mos zgjedhjes së mirësisë është pra dyfish i dëmshëm – për partnerët tanë dhe për veten tonë.

Një marrëdhënie në vetvete është përpjekja e bashkërenduar e dy personave që punojnë me mendje dhe entuziazëm drejt një vizioni të përbashkët. Me gjithë vështirësitë e jetës së përditshme, partnerët janë përgjegjës për sjelljen e tyre.

Ndërsa një çift rritet së bashku, ata nuk janë të penguar të rriten si individë gjithashtu – në fakt, ata duhet të evoluojnë si individë në mënyrë që të sjellin vazhdimisht “versionin më të mirë të vetes” në partneritetin e tyre.

Mirësia sjell mirësinë.

Si mund të kultivoni një zakon të mirësisë në marrëdhënien tuaj?

Më poshtë janë tre këshilla të fuqishme që mund t’i vini në veprim tani, pavarësisht se ku është partneri juaj në udhëtimin e përbashkët:

1. Mendoni pozitivisht

Të menduarit pozitivisht për partnerin tuaj do ta bëjë më të lehtë për ju të flisni dhe të silleni pozitivisht ndaj tyre. Në mënyrë që të futeni në zakonin e të qenit mirë, duhet të praktikoni mendimet, si dhe veprimet.

Kujtoni veten për gjërat e këndshme që partneri juaj ka bërë çdo ditë. Për shembull, a i morën plehrat me vete kur dolën ose a u kthyen në shtëpi herët në mbrëmje?

Sado i vogël veprimi, bëjeni zakon të vëreni mirësinë siç po ndodh dhe vini re se sa ta lumtur ju bën të ndjeheni. Kur jeni me partnerin, përmendjani.

2. Pranoni përgjegjësitë që ju takojnë

Merrni përgjegjësi për vlerësimin e ndjenjave tuaja personale para se t’ja paraqisni ato partnerit tuaj. Ndërsa zemërimi dhe zhgënjimi janë emocione normale, eksplorimi i mëtejshëm mund të zbulojë se në fakt, ju ndjeheni të mërzitur ose të trishtuar për një situatë. Ndoshta pas reflektimit, ju zbuloni se në fakt, ju ndjeheni të braktisur ose që ëndrrat tuaja nuk po pranohen. Të qenit i aftë të tregoni me saktësi ndjenjat tuaja do t’ju ndihmojnë t’ja transferoni ato me një ton më të butë partnerit tuaj.

3. Lëreni shpresën të fitojë

Keni besim në marrëdhënie dhe në angazhimin tuaj. Edhe pse do të keni argumente të vazhdueshme me partnerin tuaj, përqendrohuni në miqësinë tuaj. Unë shoh çifte në zyrën time që duan të “zgjidhin” së pari çështjet e tyre para se të dalin për një akullore ose të pushojnë gjatë darkës. Nuk është e mundur të zgjidhni problemet me dikë me të cilin nuk doni të bashkëpunoni.

Shpesh i inkurajoj çiftet që të bëjnë një aktivitet së bashku për të shijuar dashurinë e tyre, pavarësisht nga problemet e tyre! Është shumë më e lehtë për të diskutuar problemet me mikun tuaj më mirë sesa me “armikun tuaj”.

Mirësia ju lejon të dëgjoheni.

Në fund të fundit, mirësia i shërben shprehjes suaj të emocioneve të forta duke i ofruar partnerit tuaj aftësinë që të ju dëgjojë vërtet. Nëse i keni hapur rrugën partnerit tuaj të jetë i hapur për ju, ata kanë më shumë të ngjarë të dëgjojnë zhgënjimin tuaj dhe t’i përgjigjen me dhembshuri.

Mirësia i plotëson nevojat tuaja.

Të jesh i sjellshëm dhe i butë është një vendim. Ashtu siç ofrojmë një buzëqeshje dhe e mbajmë derën hapur për një të huaj, duhet të kujtojmë ta kultivojmë këtë zakon në marrëdhëniet tona, pa marrë parasysh sa muaj apo vite kanë kaluar.

Lexo edhe: Partneri im dhe unë vuajmë nga ankthi dhe kjo e ka forcuar marrëdhënien tonë