Rritini vetë ushqimet tuaja
Edhe nëse jetoni në një apartament, ky nuk është justifikim. Në ballkon mund të mbillni sallata apo erëza të ndryshme me të cilat të shoqëroni çdo ushqim.
Ruani vetë ushqimet tuaja
Nëse i rrisni ushqimet vetë, tashmë mund të keni “mbiprodhim” të tyre. Shumë prej ushqimeve mund t’i ruani duke i vendosur në ngrirje dhe t’i përdorni në stinë të tjera kur nuk është sezoni i tyre.
Mësoni të fermentoni
Ju mund të fermentoni kefirin, qumështin, kosin, domatet etj. Konsumi i ushqimeve të fermentuara ndihmon bakteret e mira të zorrëve ose probiotikët dhe përforcon sistemin imunitar.
Rrisni pula
Në zonat urbane kjo nuk është e lehtë për t’u realizuar, por nëse keni pak hapësirë mund të përfitoni vezët e freskëta plot proteina.
Mbani bletë
Një koshere në oborrin tuaj do të sillte shumë përfitime, pasi mund të kishit mjaltë të prodhuar vetë, që është aq i shëndetshëm sidomos në stinën e dimrit.
Ripërdorni
Konsideroni gjërat që mund t’i përdorni më shumë se njëherë, si për shembull çantat që merrni perimet dhe frutat. Gjithashtu rrobat që nuk i doni mund t’i dhuroni, ose nëse keni një kafshë shtëpiake, t’ja lini në oborr për të luajtur etj.
Bëni gjërat tuaja
Përpiquni që gjërat që mund të bëhen në kushte shtëpie, t’i keni të personalizuara tuajat dhe për këtë mund të shihni shumë tutoriale në internet.
Për të lënë një koment ju duhet të jeni regjistruar Identifikohu