Përbërësit për 4-5 persona

• 4-5 thela mish qingji (mund të përdoret edhe mish pule sipas preferencës);
• 1.5 kg kos të ëmbël;
• 3 lugë gjelle miell;
• 2 lugë gjelle oriz;
• 1 lugë gjalpë;
• 3 vezë;
• 2 thelpi hudhër;
• Piper i zi;
• Kripë.

Si te përgatisim tavë kosi?

• Vendosni mishi me pak gjalp në një tavë

• Piqeni në  furrë  duke u kujdesur të  mos thahet dhe të ketë pak lëng.

• Në një tigan shtoni gjalpin  erëzat  miellin dhe e skuqni këtë të fundit derisa të marrë ngjyrë të artë.

• Në këtë moment shtoni lëngun e mishit dhe e përzieni vazhdimisht në mënyrë që të mos krijohen kokrriza. Pasi mielli është tretur plotësisht do të përftoni një masë të trashë dhe kremoze.

• Në një tas të madh hidhni kosin,  vezët e rrahura , kremin e miellit, hudhrat e grira shumë hollë, kripën dhe piperin. I përzieni derisa të krijohet një masë homogjene. Keni parasysh se nëse kjo përbërje do të jetë shumë e trashë para pjekjes do të rezultojë tepër e fortë në momentin që do të konsumohet duke qënë se do të mpikset. Për këtë arsye në këtë moment është e rëndësishme ta lini disi të hollë.

• Pasi keni përfunduar përzierjen, e hidhni në një tepsi të thellë në të cilën keni vendosur thelat e mishit dhe orizin e zjerë  më pare.

• Pasi ta keni bërë këtë e vendosni tepsinë në furrën e nxehur më parë dhe e piqni derisa sipër tava e kosit të ketë zënë një shtrësë të kuqëremtë.

• Në momentin e servirjes mund ta rregulloni sërish me pak hudhër nëse dëshironi.

Foto burimi: Revista Shije