Femijët tuaj do t’i kenë shumë qejf këto qofte, edhe nëse nuk e pëlqejnë peshkun. E bukura e kësaj recete është se le vend për eksperimente, ndaj mund ta përgatisni çdo herë ndryshe duke shtuar erëza apo perime, megjithatë kjo është receta bazë.
Përbërësit:
- 300 gr gjuhëz e pastruar;
- 2 karota;
- 1 finokë;
- 1 presh, vetëm pjesa e bardhë;
- 2 patate;
- Pak lulelakër;
- 1 vezë;
- Disa lugë miell;
- Disa lugë galetë (peksimadhe);
- Vaj luledielli për skuqje;
- Pak kripë.
Si te gatuajme qofte peshku?
- Pastroni peshkun me kujdes nga halat dhe vendoseni të ziejë së bashku me perimet me pak kripë. Nëse dëshironi mund edhe t’i piqni në furrë ose t’i zieni në avull, kjo e fundit është më e shëndetshme.
- Grini perimet me peshkun në një mikser dhe bëjini pure.
- Formoni me duar qofte të vogla të cilat do t’i lyeni më parë në miell, pastaj me një vezë të rrahur dhe me galetë.
- Skuqini në vajin e nxehtë derisa të bëhen krokante.
- Hiqini dhe më pas u përthani vajin e tepërt me një letër kuzhine dhe nëse është e nevojshme shtoni akoma pak kripë sipër.
- Qoftet e peshkut janë gati.
Lexoni dhe: Tiramisu me luleshtrydhe
Për të lënë një koment ju duhet të jeni regjistruar Identifikohu