Përbërësit:

2 gota miell;

2 filxhanë çaji ujë të vakët;

1 lugë kafe maja;

1 lugë çaji kripë;

1 litër vaj për skuqje

Përgatitja:

Fillojmë të zëmë brumin për petullat. Hedhim miellin në një tas, duke hapur një gropë në mes. Në gropën e hapur hedhim kripën. Më pas në një tas tjetër bashkojmë pak dhallë me majanë, derisa majaja të tretet. E hedhim pastaj te mielli, duke shtuar dalëngadalë ujë të vakët sa të zihet brumi.

E punojmë brumin fort, derisa të bëhet elastik. (Për ta kuptuar, e shtypim me gisht. Nëse rikthehet menjëherë në formën e mëparshme, do të thotë se është gati).

E mbështjellim brumin me një pecetë të pastër dhe e lëmë të vijë përreth 30 minuta. Më pas, e ndajmë në kuleçë të vegjël dhe fillojmë të hapim petë rrethore të holla, të mëdha. Pasi të kemi mbaruar së hapuri petet, i vëmë njëra sipër tjetrës dhe i mbështesim në formë roleje. Më pas i presim sërish në kuleçë të vegjël dhe i tërhollim sërish në një madhësi të vogël, të përshtatshme për petulla.

I skuqim në një tigan me kapak dhe janë gati.