Shtatzania dhe lindja janë ato që e ndryshojnë së tepërmi një grua dhe ndonjëherë ajo fillon të mos kujdeset më për veten e saj, të paktën jo aq sa kujdesej para lindjes. Duke qënë kështu, por edhe si pasojë e lodhjes dhe peshës së marrë në shtatzani, nëna e re mund të mos ndihet mjaftueshëm e bukur dhe kjo ndikon edhe në gjendjen psikologjike të saj.
Si të kujdesemi për bukurinë pas lindjes?
- Gjëja e parë që duhet të bëni është të kërkoni ndihmë nga familjarët tuaj në mënyrë që të mund të keni kohën e duhur për t’u kujdesur për veten tuaj.
- E filloni ditën në mënyrën e duhur. Edhe nëse ndiheni e lodhur, i kushtoni disa minuta kujdesit ndaj vetes. Bëni një dush të shpejtë dhe vendosni të paktën një krem në fytyrë. Të jeni e sigurt se kjo nuk do t’ju marrë më shumë se 15 minuta.
- Bëni aktivitet fizik. Kjo gjë është shumë e rëndësishme edhe për të qetësuar mendjen. Ecni dhe bëni ushtrime në mënyrë që të ndiheni në formë.
- Bëni sa më gjumë që të mundeni. Mungesa e tij do të bëjë që të keni rrathë të zinj poshtë syve, dhe të mos ndiheni aktive.
- Kujdes me ushqimet që hani dhe pijet që konsumoni. Kjo do t’ju ndihmojë edhe në lidhje me gjidhënien. Më tepër rëndësi nga të gjitha pijet, i kushtoni ujit.
- Vishuni gjithmonë në mënyrën e duhur. Është koha t’i thoni “mirupafshim” veshjeve të shtatzanisë. Nuk po ju këshillojmë të blini një garderobë të re, por të vishni rroba që ju rrinë bukur në trup.
- Rregulloni flokët. Kjo ka lidhje me pikën e parë. Në momentin që dikush kujdeset për fëmijën tuaj mund të shkoni në parukeri dhe të merrni një shërbim profesional. Gjithashtu mund të kujdeseni edhe për thonjtë tuaj, kjo të paktën 1 herë në muaj.
Kujdeseni për veten pas lindjes? Cilat do të ishin këshillat tuaja për nënat e tjera?
Lexo edhe: Njihuni me femijen me te bukur ne bote
Për të lënë një koment ju duhet të jeni regjistruar Identifikohu