Lëkura e gruas në shtatzani mund të ndryshojë shumë. Disa nga ndryshimet mund të jenë:
- Shfaqja e pigmentit. Pigmenti mund të jetë edhe më i theksuar në zonën e ballit, faqeve, hundës, buzës së sipërme, mollëzave dhe tëmthave. Kjo shkaktohet nga veprimi i hormoneve dhe shfaqet më tepër tek gratë brune por edhe në disa subjekte të tjera. Gruaja duhet të mbrohet shumë mirë nga rrezet e diellit. Pigmenti largohet rreth 2-3 muaj pas lindjes.
- Është tipike për shtatzaninë dhe shfaqet në trimestin e dytë të shtatzanisë. Mund të shfaqen lezione në gjymtyrë, bark dhe gjoks. Ky shqetësim zhduket pas lindjes.
- Strijat (zmaliaturat). Shfaqen në zonën e barkut, kofshëve, gjoksit etj dhe varen nga niveli i elastinës dhe kolagjenit. Zbehen 3-4 muaj pas lindjes, por nuk zhduken plotësisht.
- Pigmentimi i gjoksit dhe barkut. Në zonën e thithave dhe areolës shfaqet një ngjyrim i errët të cilat shfaqen me rritjen e volumit të gjoksit. E njëjtja gjë shfaqet edhe në zonën abdominale, e cila është vija e zezë e quajtur linea nigra.
Edhe pse lëkura e gruas gjatë shtatzanisë ndryshon, gjendja e saj e përgjithshme do të jetë e mirë me përjashtim të disa rasteve që mund të shfaqen probleme specifike.
Lexoni dhe: Perdorimet e limonit tek floket dhe lekura juaj
Për të lënë një koment ju duhet të jeni regjistruar Identifikohu