Një hulumtim kanadez i kohëve të fundit, do t’i bëjë të lumtur ata që e duan qumështin. Sipas këtij studimi, qumështi dhe djathi janë aleatë të shëndetit të zemrës. Hulumtimi, i realizuar në një mostër prej mbi 100,000 individësh nga 21 vende, në fakt ka treguar se 3 racione në ditë të qumështit dhe djathërave, zvogëlojnë rrezikun e sëmundjeve kardiovaskulare dhe vdekshmërisë.

Studimi zgjati rreth 9 vjet

Hulumtimi fillimisht parashikoi analizën e pyetësorëve mbi zakonet dietike. Më pas, u identifikuan 4 grupe në bazë të konsumit ditor të qumështit dhe djathit:

1. grupi i parë (28,674 persona) nuk konsumoi asnjë produkt qumështi;
2. grupi i dytë (55.651 persona) mori më pak se një racion djathi në ditë;
3. grupi i tretë (24,423 persona) hëngrën 1-2 racione djathë në ditë;
4. grupi i katërt (27,636 persona) përfshiu në dietën e tyre mbi 2 racione të produkteve të qumështit në ditë.

Gjatë 9 viteve të studimit, epidemiologët kanë monitoruar dhe regjistruar të gjitha vdekjet dhe shkaqet e tyre.

Zemra më e mbrojtur

Në fund të eksperimentit të gjatë u konstatua se grupi i katërt, ai që mori më shumë se dy racione të produkteve të qumështit në ditë (një mesatare prej 3.2 porcione / ditë), kishte shkallën më të ulët të vdekshmërisë nga të gjitha shkaqet (kardiovaskulare ose jo), krahasuar me 3 grupet e tjera. Hulumtuesit arritën në përfundimin se një konsum i përditshëm i produkteve të qumështit zvogëlon rrezikun e vdekshmërisë dhe sëmundjeve kardiovaskulare, sidomos në vendet me të ardhura të ulëta dhe të mesme, ku aktualisht konsumimi i këtyre ushqimeve është shumë më i kufizuar sesa në Amerikën e Veriut dhe Evropën.

Rezultatet e studimit kanadez u shqyrtuan nga Dr. Monica Giroli, nutricioniste, sipas të cilës, megjithatë, ato nuk mund të aplikohen në popullatën evropiane për shkak se:

• gjysma e mostrës ishte kineze, indiane ose afrikane, të gjitha popullata që konsumojnë kryesisht karbohidratet; prandaj marrja e 3 pjesëve të produkteve të qumështit në një lloj diete që në fakt nuk i siguron ato, mund të ketë efekte të dobishme pasi ato janë një burim i mirë i proteinave, yndyrave, kalciumit, të cilat zakonisht mungojnë;
• pjesa e djathit e konsideruar në studim ishte 15 gramë, një sasi jashtëzakonisht më e ulët se ajo e konsumuar zakonisht në Europë.

Për këtë arsye, ekspertja përfundon se para se të “hedhë poshtë” atë që rekomandohet nga Udhëzimet e Shoqërisë Shkencore në lidhje me konsumin e djathërave, nevojitet një studim i mëtejshëm për të vlerësuar një mostër më të rëndësishme të popullsisë evropiane.

Lexo edhe: Perfitimet nga konsumi i djathit cdo dite