Sipas ekspertëve të laktacionit ushqyerja me qumësht shtesë e një bebe të porsalindur duhet të kryhet në kohën dhe sigurisht që në mënyrën e duhur, me qëllim që ky proçes të mos ndikojë negativisht në ushqyerjen me qumësht gjiri.
Cilat janë alternativat kryesore që duhet të përdoren për ushqyerjen e fëmijës?
Ndonjëherë ushqyerja e bebes nuk mund të bëhet nëpërmjet thithjes direkte të gjinjve dhe në këtë rast mjekët këshillojnë që nëna të marrë në konsideratë grafikun e mëposhtëm të alternativave:
- Qumështi i gjirit i nxjerrë nga shtrydhja me dorë ose pompë;
- Qumështi i marrë nga bankat e dhurimit (qumësht gjiri);
- Qumështi i formulës.
Gjithmonë mbani mend se sa më shumë thithje të bëhet në gjinjtë tuaj aq më shumë stimulim do të marrin ata. Nëna, shpesh nga mungesa e informacionit të duhur, gabon në mënyrën e ushqyerjes së të porsalindurit duke e bërë këtë me biberon që në ditët e para të lindjes. Nëse për një kusht të caktuar nuk e vendosni dot fëmijën në gji, duhet të dini se ka dy mënyra që do t’ju ndihmojnë ta bëni këtë në mënyrën e duhur.
Dy nga mënyrat efikase të ushqyerjes me qumësht shtesë janë:
- Para se qumështi të fillojë të shtohet ju mund të ushqeni fëmijën tuaj me anën e lugës.
- Një tjetër alternativë e ushqyerjes së të porsalindurit, e cila nuk ndikon negativisht (të paktën jo aq sa biberoni) në gjidhënie.
Mbani mend se duhet të jetë vetëm mjeku i fëmijës që do të bëjë vlerësimin e momentit të ndërhyrjes me qumësht shtesë, dhe këtë nuk duhet ta bëni me iniciativën tuaj personale.
Lexoni edhe: Cfare shije ka qumeshti i nenes?
Për të lënë një koment ju duhet të jeni regjistruar Identifikohu