Në rreth 30 për qind të grave që mbeten shtatzënë në 18 muajt e parë pasi kanë lindur një fëmijë, kjo gjë ndodh rastësisht. Arsyeja ka të bëjë me keqkuptimet në lidhje me ushqyerjen me gji si një formë e kontrollit të lindjes.

“Ndërsa ushqen me gji, një grua nuk ka të ngjarë të ketë perioda të rregullta, por ovulimi është ende i mundur,” shpjegon gjinekologia Jones. “Kjo është një nga arsyet që unë kurrë nuk rekomandoj përdorimin e gjidhënies vetëm për kontracepsion”.

Megjithëse alternativat hormonale të kontrollit të lindjes përgjithësisht vlerësohen si të sigurta për foshnjën, nënat që ushqejnë me gji shpesh nuk i përdorin ato sepse progesteroni dhe estrogjeni mund të ndikojnë në furnizimin e tyre me qumësht. Kështu duke përjashtuar metodat e tjera kontraceptive shumë gra mbështeten në ushqyerjen me gji, me bindjen se një grua gjidhënëse nuk mund të mbetet shtatzënë. Sidoqoftë, kjo është e vërtetë vetëm në rrethana shumë specifike. Që kjo metodë të jetë efektive, foshnja duhet të jetë më pak se gjashtë muaj, të ushqehet  ekskluzivisht me gji dhe gruaja nuk mund të ketë perioda. Nënat që ushqejnë me gji gjatë gjashtë muajve ose plotësojnë dietën e fëmijës së tyre ose kanë perioda të parregullta, mund të mbeten shtatzënë.

Ndërsa nënat gradualisht largojnë foshnjat nga gjiri dhe fillojnë të ovulojnë përsëri, shumë baballarë përjetojnë një reagim të ngjashëm hormonal, shpjegon urologu Jamin Brahmbhatt. Konkretisht, burrat që pësojnë një rënie natyrale të testosteronit pasi kanë fëmijë, gjë që i bën ata më pak pjellorë, priren të shohin një reagim hormonal pas përshtatjes me stresin e prindërimit. Kjo ka tendencë të ndodhë para ose rreth gjashtë muajve. Kthimi i testosteronit nënkupton kthimin e qëllimeve dashurore dhe më shumë spermë.

“Për shkak të ciklit jetësor të spermës, ajo që mund të ulë në mënyrë të ndjeshme testosteronin nuk mund të shkaktojë ndryshime në parametrat e spermës me muaj”, –  thotë Brahmbhatt.

“Ndërgjegjësimi është thelbësor për të parandaluar atë shtatëzani të paplanifikuar,” thotë Jones.

Lexo edhe: Gjidhenia, si nje metode kontraceptimi