Ledri Vula dhe Sara Hoxha janë kthyer në dyshen më të preferuar të publikut që kur kanë bërë publike marrëdhënien e tyre të dashurisë e sidomos pas lajmit se Sara është në pritje të ëmbël.
Çifti i dashur është në pritje të fëmijës së tyre të parë dhe kanë treguar se presin një vajzë.
Emocionet e kësaj pritjeje, Ledri i ka ndarë herë pas here me ndjekësit në intervista apo postime në rrjetet sociale. Por së fundmi ai ka përgatitur një dhuratë për të gjithë fansat, për vete e për Sarën, duke publikuar kështu një këngë dedikuar vogëlushes që do të vijë së shpejti në jetën e tyre.
Kënga titullohet “Si baba” dhe përshkruan ndjenjat që po përjeton Ledri duke pritur në bëhet baba, frikën ndaj këtij ndryshimi të madh, por mbi të gjitha padurimin për të njohur të bijën sa më shpejt, e cila edhe pse ende pa lindur i ka falur kaq shumë gëzim. Këtë ai e shpreh edhe në një varg të këngës, ku ndër të tjera thotë: “Se kam ditë që ma ndryshon jetën o dritë”.
Edhe ne mezi presim momentin kur Ledri e Sara të bëhen prindër, duke i uruar lindje sa më të lehtë mami Sarës.
Për të lënë një koment ju duhet të jeni regjistruar Identifikohu