Ovulimi nënkupton kohën e ciklit mujor kur trupi lëshon vezë nga vezoret. Kjo vezë e bën rrugëtimin e saj nga tubat fallopiane dhe është gati për t’u fekonduar pasi sperma lëshohet gjatë marrëdhënieve seksuale. Nëse veza fekondohet, ajo mund të udhëtojë në mitër dhe të zhvillohet në shtatzëni. Prandaj nuk është e mundur që një grua të mbetet shtatzënë pa ovulim.

A duhet të ovulojnë femrat që të ngelen shtatzëna?

Gratë e shëndetshme me ciklin e rregullt menstrual përgjithësisht ovulojnë një herë në muaj. Një grua duhet të ovulojë në mënyrë që të ngelet shtatzënë. Ju mund të mbeteni shtatzënë nëse keni kryer marrëdhënie 5 ditë para ovulimit dhe 1 ditë pas ovulimit. Kjo ndodh për shkak se sperma mund të mbijetojë në kanalin e lindjes së femrës deri në 5 ditë.

Mund të ngeleni shtatzëna pa ovulacion?

Një grua nuk mund të mbetet shtatzënë pa ovulacion. Nëse po mendoni për shanset e shtatzënisë nëse nuk ovuloni, atëherë nënkuptohet se nuk keni mundësi. Shumë gra pyesin nëse mund të mbeten shtatzëna nëse janë pjellore, por jo ovuluese. Përgjigjja është “Jo”. Nëse një grua është pjellore, kjo do të thotë se ajo është në gjendje të prodhojë vezë. Por një grua mund të mbetet shtatzënë vetëm nëse kryen marrëdhënie gjatë kohës së ovulimit. Kështu, nuk është e mundur të mbeteni shtatzëna nëse nuk ovuloni.

Kur ndodh ovulacioni?

Një cikël menstrual i një gruaje zgjat mesatarisht 28 ditë. Në këtë cikël, dita e parë e periodave konsiderohet si dita 1. Në një cikël prej 28 ditësh, ovulacioni ndodh diku ndërmjet ditëve 11 dhe 21. Kjo është rreth 14 deri në 15 ditë para fillimit të peridoave të ardhshme. Megjithatë, jo të gjithë kanë një cikël menstrual 28-ditor. Gjatësia e ciklit mund të ndryshojë nga 21 në 35 ditë. Për një cikël 21 ditor, ovulacioni ndodh në mes të ditëve 5 dhe 12 dhe për një cikël 35-ditor, ovulacioni ndodh në mes të ditëve 18 dhe 26.

Koha e saktë e ovulacionit mund të përcaktohet duke mbajtur shënim gjatësinë e cikleve, temperaturën bazë të trupit tuaj, duke vëzhguar ndryshimet në qafën e mitrës dhe mukusin e qafës së mitrës dhe duke përdorur kuti parashikuese të ovulacionit të disponueshme në farmaci.

Cilat janë ditët më pjellore?

Ditët më pjellore gjatë ciklit menstrual janë 5 ditët e fundit. Nga këto, 3 ditë janë para ovulimit, 1 në ditën e ovulacionit dhe 1 ditë pas ovulimit. Këto ditë janë më pjelloret, pasi sperma mund të rezistojë në kanalin e lindjes të një gruaje deri në 5 ditë dhe veza fillon të shkatërrohet pas 24 deri në 48 orë pas ovulacionit. Kështu, ditët më pjellore mund të llogariten bazuar në gjatësinë e ciklit tuaj menstrual.

Pyetjet më të shpeshta rreth ovulacionit:

1. Cilat janë shenjat e ovulacionit?

Shenjat e ovulacionit janë:

• Një rënie në temperaturën e trupit duke u bazuar tek ajo para ovulimit dhe një rritje e ndjeshme e temperaturës pas ovulimit.
• Ndryshimet në mukusin e qafës së mitrës: Mukoza e qafës së mitrës është e trashë dhe transparente dhe duket shumë e ngjashme me të bardhën e vezëve në kohën e ovulacionit.
• Ndryshimet në qafën e mitrës: Qafa e mitrës do të ndihet si e lagur dhe e butë në kohën e ovulacionit. Megjithatë, kjo mund të kuptohet me saktësi nga gratë vetëm pas ndjekjes dhe shqyrtimit të qafës së mitrës së tyre për disa cikle menstruale.
• Shenjat e tjera: Disa gra mund të përjetojnë shenja të tjera gjatë ovulimit, siç është rritja e dëshirës seksuale, dhimbje të butë ose dhimbje në njërën anë të zonës së legenit, fryrje barku, ndjesi më të shtuar ndaj dritës, shijeve, erërave etj.

2. Cilat janë çrregullimet e ovulacionit?

Si çrregullim ovulator konsiderohet çdo gjë që pengon procesin e ovulacionit normal dhe shkakton ovulim të parregullt ose të dështuar. “Anovulation” (Anovulimi) është një çrregullim ovulues ku ekziston një mungesë e ovulacionit. Kjo ndodh për shkak se vezët nuk mund të zhvillohen siç duhen ose një vezë nuk mund të lirohet nga vezoret. “Oligo-ovulacioni” është një çrregullim ku ndodh ovulacioni, por jo çdo muaj.

3. Cilat janë shkaqet e çrregullimeve ovuluese?

Shumica e çrregullimeve ovuluese shkaktohen nga Sindromi Ovarian Polycystic (PCOS). Ky është një çrregullim hormonal i cili karakterizohet nga cistet ovariane, prodhimi i tepruar i hormoneve seksuale mashkullore, si testosteroni, dhe perioda të parregullta. Shkaqet e tjera të çrregullimeve ovuluese janë problemet hormonale, infeksionet urinare, mosfunksionimi i gjëndrave endokrine dhe hipofizike, obeziteti, nënpesha dhe çrregullime në të ngrënë si anoreksia apo bulimia.

4. Si trajtohen çrregullimet ovuluese?

Trajtimi i çrregullimeve ovuluese varet nga shkaku i fillimit të tyre. Nëse ky është një problem hormonal, mjeku mund të rekomandojë ilaçe për t’u shëruar. Ekzistojnë edhe pilula që rrisin nivelin e hormoneve të tilla si Luteinizing hormon (LH) dhe folikul stimulues hormon (FSH) që aktivizojnë ovulacionin në trup. Mjeku gjithashtu mund të sugjerojë ndryshime në dietë dhe mënyrën e jetesës për të trajtuar çrregullimet në të ngrënë apo në ushtrime.

5. Si ta kuptoj nëse nuk jam duke ovuluar.

Në mënyrë që të ndiqni ovulacionin, do t’ju duhet të mbani shënim ciklet tuaja të menstruacioneve dhe temperaturën e trupit rreth periudhës së ovulimit. Nëse nuk ka rënie të ndjeshme të temperaturës së trupit tuaj, atëherë nuk mund të ovuloni. Ju mund të mësoni më shumë për ovulimin tuaj duke përdorur kuti testimi të ovulacionit të disponueshme nëpër farmaci.

6. A mund të ndodhë ovulimi pa perioda?

Ovulimi mund të ndodhë pa perioda. Për shembull, nënat që ushqejnë me gji nuk kanë perioda për disa muaj pas lindjes, por ato ovulojnë dhe mund të mbeten shtatzëna nëse kryejnë marrëdhënie të pambrojtura. Është e vështirë të kuptoni se kur jeni duke ovuluar nëse nuk keni perioda menstruale.

7. A është e mundur që të kem perioda por jo ovulacion?

Është e mundur që të ketë perioda menstruale pa ovulimin. Disa gra mund të përjetojnë gjakderdhje menstruale, por jo të ovulojnë. Ky quhet cikli joovulues. Kjo mund të jetë për shkak të reduktimit të niveleve të estrogjenit ose disa akumulimeve në përbërjen brenda mitrës që duhet të derdhet.

8. A mund të ndodhë ovulimi menjëherë pas një periode?

Ovulimi mund të ndodhë më herët tek gratë që kanë cikle të shkurtra menstruale. Pra, është e mundur të ovulojnë shpejt pas një periode. Gratë që ovulojnë herët mund të mbeten shtatzëna duke patur marrëdhënie të pambrojtura menjëherë pas një periode.

Lexo edhe: Çfare i ndodh vezes pas ovulimit?