Në këtë rast embrioni vendoset jashtë mureve të mitrës. Por çfarë e shkakton një vendosje të tillë? Përse ndodh një shtatëzani jashtë mitre?

Mund të themi se në më të shumtën e rasteve kjo formë e shtatëzanisë zhvillohet për shkak të problemeve të mundshme të tubave, pavarësisht origjinës që mund të kenë këto probleme.

• Lezionet e tubave. Zakonisht kjo formë e irritimit të rubave shkaktohet nga infeksione të ndryshme si: klamidia, sëmundjet seksualisht të transmetueshme, por mund të shkaktohet edhe nga endometrioza dhe apendiciti.
• Një ndërhyrje e mëparshme kirurgjikale. Ndërhyrjet kirurgjikale në këtë zonë mund të rrisin rrezikun e shfaqjes së shtatëzanisë jashtë mitre.
• Një episod i ngjashëm. Nëse gruaja ka pasur edhe më parë një shtatëzani të tillë është më shumë e rrezikuar për të përjetuar edhe një tjetër në shtatëzanitë pasardhëse.
• Prania e anomalive pas pllenimit të vezës. Në këtë rast tubat nuk do të jenë në gjendje të tërheqin brenda vezën e cila fekondohet në kavitetin abdominal dhe mbetet atje.
• Vonesa e “migrimit” të embrionit. Në përgjithësi embrioni duhet të vendoset në mitër pas 4-5 ditëve dhe nëse kjo vonohet më shumë homronet do të bëjnë që ai të qëndrojë në tubat.
• Refluksi që ndodh në tubat. Mund të ndodhë që embrioni të shtyhet drejt tubave (për shkaqe hormonale). Dicka e tillë mund të ndodhë edhe nëse kemi të bëjmë me farëzim artificial.