Nokturia është nevoja e përsëritur për të shkuar në banjë gjatë natës. Siç dëshmohet nga studiuesit japonezë të Spitalit Tohoku Rosai në Sendai, pas nevojës për të urinuar shpesh gjatë natës, mund të fshihen problemet e hipertensionit ose të lëngjeve të tepërta në trup. Në rast të nokturisë, Satoshi Konno, nënshkruesi i parë i hulumtimit, sugjeron zvogëlimin e kripës në dietë dhe kontaktimin me mjekun për një kontroll të thjeshtë të presionit të gjakut.
Një problem i shpeshtë
Studimi shqyrtoi rreth 1,900 japonezë, presioni i gjakut i të cilëve u mat dhe u bë një pyetësor për temën e nokturisë. Rezultatet treguan se deri në 69% të rasteve (1,295) kanë vuajtur prej nokturisë në nivele pak a shumë kronike. U shfaq një lidhje me hipertensionin, një gjendje shpesh e lidhur me nevojën për të shkuar në banjë të paktën një herë ose dy herë gjatë natës.
Nevojiten njohuri të mëtejshme
Hulumtimi tregoi se ata që ngrihen natën për të shkuar në banjo kanë një shans 40% më të lartë të vuajnë nga hipertensioni. Megjithatë, këto të dhëna janë ende teorike sepse, edhe pse mjaft të qarta, ato që dolën nga studimi nuk vërtetojnë me siguri lidhjen mes nokturisë dhe hipertensionit. Në çdo rast, hulumtuesit sugjerojnë të mbajnë nën kontroll nivelet e presionit dhe t’i kushtojnë vëmendje të veçantë kur nevoja për urinim gjatë natës fillon të shfaqet me një rregullsi të caktuar. Së fundi, reduktimi i kripës në dietë mund të ndihmojë vetëm për të moderuar rrezikun e hipertensionit.
Tani nevojiten më shumë studime të thella për të vlerësuar përgjigjet ndaj popullsive të ndryshme.
Për të lënë një koment ju duhet të jeni regjistruar Identifikohu