Çfarë është shkëputja e plaçentës?

Bëhet fjalë për një komplikacion të rëndë, që shfaqet si pasojë e shkëputjes së plaçentës nga uterusi pjesërisht ose plotësisht para momentit të lindjes. Kjo gjendje është serioze sepse është pikërisht plaçenta ajo që e ushqen fëmijën me oksigjen.

Cilat janë simptomat e shkëputjes së plaçentës?

Ato mund të jenë: rrjedhje gjaku (megjithatë nuk ndodh gjithmonë), kontraksione intensive dhe të vazhdueshme, dhimbje abdominale apo edhe në shpinë, ulje të lëvizjeve të fetusit.

Cilat janë pasojat për fëmijën?

Nëse shkëputja është minimale nuk ka ndonjë rrezik të madh, por nëse kemi shkëputje të madhe, pasojat janë të rënda duke qënë se fëmija nuk do të marrë lëndët ushqyese apo oksigjenin, kështu do të shkaktohet një rritje dhe zhvillim jo i mirë ose edhe vdekja fetale.

Kur duhet të shkojmë tek mjeku?

Nëse nëna ve re një nga simptomat e mësipërme, apo bëhet pjesë e një aksidenti me makinë si edhe rrëzimi në rugë apo kudo, duhet të shkojë për kontroll, kjo pasi ato mund të jenë shkaktarë për shkëputje të plaçentës. Vendosni gjithmonë në makinë rripin e sigurimit.

A mund të parandalohet shkëputja e plaçentës?

Jo, por megjithatë gruaja duhet të evitojë kontaktin me tymin e duhanit si edhe nëse ka shtatëzani binjake apo vuan nga hipertensioni duhet të bëjë vazhdimisht kontrolle tek mjeku.