Humbja e dhëmbëve tek një i rritur mund të jetë e frikshme për t’u menduar, por është një problem të cilin përballen shumë njerëz. Mbi një e katërta e të rriturve i kanë humur të gjithë dhëmbët e tyre në moshën 74 vjeçare. Ndërsa implantet dentale mund të ndihmojnë, ato mund të jenë vërtet të pakëndshme, veçanërisht pasi nuk përshtaten me gojën pasi kalon njëfarë moshe.
Megjithatë, një teknikë e re mund t’i ndihmojë njerëzit të rritin dhëmbët e rinj në vetëm 9 javë duke përdorur qelizat staminale të pacientëve të rritur.
Studiuesit nga Qendra Mjekësore e Universitetit të Kolumbias në New York shpresojnë se mund të përdorin qelizat staminale të një pacienti për të rritur një dhëmbë anatomikisht të saktë. Përveç kësaj, dhëmbi i ri do të rritet në zgavrën e zbrazët të gojës së njeriut, madje duke e lejuar atë të bashkohet me indin e dhëmbëve përreth. Ata kanë provuar tashmë aftësinë për të rritur dhëmbët me këtë metodë, megjithëse jo tek njerëzit.
Sipas Journal of Dental Research, hulumtuesit kryen një eksperiment duke përdorur 22 minj. Pasi elementët që rrisnin dhëmbët u futën në gojën e minjve, materiali i ri kockor u rigjenerua dhe u rrit brenda 9 javëve. Sipas studiuesve, kjo është hera e parë që strukturat e dhëmbëve janë rigjeneruar në një organizëm të gjallë.
Nëse ky trajtim rezulton i suksesshëm tek njerëzit, mund të ketë shumë përfitime që vijnë së bashku me procedurën e re. Studiuesit shpresojnë se kjo do të jetë një zgjidhje me kosto-efektive për pacientët të cilët nuk mund të përballojnë implantet dentare. Përveç kësaj, pasi dhëmbi rritet direkt në gojë, ka gjasa të ketë nevojë për më pak kohë shërimi.
Për momentin, implantet dentare janë gjëja më e mirë që duhet t’i ndihmojnë njerëzit të zëvendësojnë dhëmbët e humbur. Për fat të keq, implantet mund të jenë të dhimbshme, kërkojnë një proces të gjatë shërimi dhe shpesh nuk përshtaten me gojën e plakur, gjë që mund të shkaktojë dështimin e kësaj procedure. Prandaj kjo alternativë e re mund të bëhet një realitet shumë shpejt. Edhe tani, Universiteti i Kolumbias ka paraqitur kërkesa për të marrë patentën për këtë teknologji të re dhe gjithashtu po shqyrton mënyrat për ta bërë procesin të disponueshëm në treg.
Lexo edhe: Si mund te trajtohet infeksioni i dhembeve?
Për të lënë një koment ju duhet të jeni regjistruar Identifikohu