A ishte vetëm një teshtimë apo një shenjë treguese së fëmija është sëmurë? Për nënën është shumë e mundimshme të kuptojë gjendjen e fëmijës duke deshifruar shenjat e tij. Po në cilat raste fëmija është vërtet aq sëmurë saqë duhet mbajtur në shtëpi dhe të mos e çoni në kopsht ose çerdhe?
Shenjat që tregojnë se duhet ta mbani në shtëpi fëmijën e sëmurë
- Temperatura
Një nga shenjat më të qarta se fëmija duhet mbajtur në shtëpi është një temperaturë më e lartë se 38 gradë celsius.
- Të vjella ose diarre
Këto dy probleme janë shumë shqetësuese dhe të sikletshme për të gjithë, aq më tepër për një fëmijë. Nëse fëmija vjell ose ka diarre duhet mbajtur në shtëpi jo vetëm për t’u kujdesur për të, por edhe të mos përhapë virusin në komunitet.
- Kollitja e vazhdueshme
Ndonjë kollitje tek-tuk nuk është tregues se duhet ta mbani fëmijën në shtëpi, por nëse është e vazhdueshme dhe e pakontrolluar, fëmija duhet mbajtur në shtëpi.
- Dhimbje ose plagë
Niveli i dhimbjes është një simptomë e vështirë për të matur dhe ju nuk mund ta kuptoni ekzaktësisht. Por nëse fëmija ka dhimbje që zgjasin më shumë se dy orë dhe ankohet për to, duhet ta mbani në shtëpi.
- Qan vazhdimisht pa u ndalur
E qara mund të jetë një nga simptomat më të vështira për t’u deshifruar tek fëmijët. Por nëse qajnë dhe nuk jeni në gjendje t’i pushoni, më mirë kudjesuni për ta në shtëpi.
Lexo edhe: Si te parandaloj perhapjen e gripit ne familje?
Për të lënë një koment ju duhet të jeni regjistruar Identifikohu