Shëndeti i zemrës së fëmijës varet shumë nga nëna

0 0

Prindërit kanë një shumë detyra delikate lidhur me fëmijët e tyre. Jo vetëm në lidhje me edukimin dhe rritjen e fëmijëve, por edhe në lidhje me shëndetin. Në veçanti, mamaja dhe babai duhet t’i kushtojnë vëmendje stilit të tyre të jetesës dhe fëmijëve të tyre, që në moshë të hershme, sepse zakone të caktuara jetese do të ndikojnë në shëndetin e tyre të ardhshëm (si dhe të tanishëm). Sipas një studimi të fundit, nëse nënat personalisht adoptojnë dhe më pas u mësojnë fëmijëve të tyre sjellje korrekte për sa i përket të ushqyerit, aktivitetit fizik, peshës dhe pirjes së duhanit, ato gjithashtu mbrojnë shëndetin kardiovaskular të fëmijëve.

Rezultatet e një studimi të madh

Studimi i ri u krye nga një grup studiuesish amerikanë nga Universiteti Vanderbilt dhe Universiteti i Massachusetts dhe u botua në Gazetën Evropiane të Kardiologjisë Parandaluese. Ai përfshiu gati 6,000 njerëz, përfshirë nënat, baballarët dhe fëmijët. Në fillim të hulumtimit, fëmijët ishin tashmë 32 vjeç dhe u ndoqën për më shumë se 46 vjet, midis 1971 dhe 2017 (duke analizuar të dhënat e një studimi tjetër): gjatë kësaj periudhe të gjatë kohore, studiuesit monitoruan shëndetin, për të kontrolluar shëndetin kardiovaskular dhe shfaqjen e ndonjë sëmundjeje të zemrës.

Nënat kanë një ndikim më të madh se baballarët

Autorët e sondazhit konsideruan ndikimin e shtatë prej faktorëve kryesorë që përcaktojnë shëndetin global kardiovaskular: pirja e duhanit, ushqimi i shëndetshëm, aktiviteti fizik, pesha, presioni i gjakut, kolesteroli dhe glukoza në gjak. Pastaj, duke marrë parasysh këta faktorë, ata kryen një llogaritje, duke i ndarë vullnetarët në tre karakteristika të ndryshme të shëndetit kardiovaskular: ideal, të ndërmjetëm dhe të dobët.

Jo vetem kaq. Studiuesit kanë ekzaminuar zakonet e jetesës së nënave dhe baballarëve dhe mënyrat e jetesës së propozuara për fëmijët e tyre. Ata zbuluan se, mesatarisht, nënat kanë një ndikim më të madh në shëndetin e fëmijëve të tyre. Në detaje, fëmijët e nënave që ishin në gjendje të shkëlqyeshme kardiovaskulare kishin nëntë vjet më shumë jetë pa probleme kardiovaskulare sesa fëmijët e grave me një profil të lartë rreziku. Efekti i zakoneve të baballarëve në shëndetin e fëmijëve, megjithatë, ishte shumë më pak inciziv.

Rëndësia e zakoneve të mira

Sipas shkencëtarëve, nënat përcaktojnë shëndetin e ardhshëm kardiovaskular të fëmijëve të tyre veçanërisht në “njëmijë ditët e para” të famshme të jetës, duke filluar nga fillimi i shtatzanisë deri në vitet e para të jetës: prandaj ajo që ndodh në nëntë muajt e shtatzanisë dhe menjëherë pas lindjes do të kishte një ndikim të madh në jetën e fëmijëve dhe të rriturve nesër. Kjo është arsyeja pse ekspertët këshillojnë të gjitha gratë t’i kushtojnë vëmendje të veçantë gjatë shtatëzanisë dhe viteve të para të fëmijëve të tyre dhe ftojnë institucionet, shoqëritë shkencore dhe shoqatat të promovojnë programe edukative që i mësojnë ato të miratojnë zakone të shëndetshme gjatë shtatëzaisë dhe në vitet e para të jetës së fëmijëve.

Për të zvogëluar rrezikun e sëmundjeve kardiovaskulare në moshën e rritur, është thelbësore që nëna të praktikojë një aktivitet të rregullt fizik nga para konceptimit dhe më pas ta ftojë fëmijën të vazhdojë të aktivizohet.

Lexo edhe: Pediatrit tregojnë pesë rregullat që duhen ndjekur që fëmija të ketë zemër të shëndetshme





Për të lënë një koment ju duhet të jeni regjistruar Identifikohu



Materiale te ngjashme

Së shpejti test në kushte...

Një test i ri i bërë vetë për të identifikuar praninë e virusit Papilloma, që mund të evoluojë në një tumor: është duke u studiuar, edhe pse ende jo gati....

Era e keqe e gojës...

Nëse era e gojës suaj është e pakëndshme, pavarësisht se keni treguar kujdes të mirë për higjienën orale dhe nu kkeni ngrënë diçka me erë të theksuar, është më mirë...

A mund të ushtrohemi duke...

Një nga pyetjet që ka lindur gjatë pandemisë, në funksion të masave mbrojtëse është: a duhet të mbajmë maska ndërsa ushtrohemi? Edhe nëse nuk jeni adhurues i palestrave - ose...

Bukuria fillon me lëkurë të...

Slogani i Neutrogena është shumë i thjeshtë: Ne nuk jemi kundër plakjes, por jemi kundër rrudhave. Ne jemi për promovimin e bukurisë së plakjes me një lëkurë të shëndetshme, të...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X