Ekzistojnë një sërë ushqimesh të cilat janë shumë të rrezikshme për shëndetin e dhëmbëve të fëmijës, të cilat nëse konsumohen në mënyrë të vazhdueshme do të dëmtojnë dhëmbët e vegjël.

Cilat ushqime duhen evituar?

1. Lëngjet e frutave duhen konsumuar shumë rrallë. Ato favorizojnë shfaqjen e kariesit dentar.
2. Pijet me sheqer duhet të evitohen totalisht nga fëmijët e vegjël. Nuk duhet të lejoni fëmijën tuaj të pijë koka kola, fanta, amita etj. Do t’ju këshillonim ta bënit të pinte qumësht apo lëng portokalli të shtrydhur në shtëpi.
3. Sheqeri dhe mjalti janë të tjera ushqime shumë të dëmshme për shëndetin e dhëmbëve. Një veprim shumë i gabuar është edhe lyerja e çuços së bebeve me mjalt, i cili krahas të tjerave është shumë i dëmshëm edhe për shëndetin e dhëmbëve.
4. Pudingët dhe xhelatinat me fruta duhet të evitohen totalisht nëse dëshironi që fëmija juaj të ketë dhëmbë të shëndetshëm. Pse të mos i jepni më mirë një frut në dorë?
5. Çokollata është jashtëzakonisht e dëmshme sidomos nëse është me përbërje qumështi dhe kremi. Nëse fëmija juaj i ka shumë qejf përdorni ndonjëherë rrallë çokollatë të zezë.
6. Kruasantët e blerë në supermarket? E dini se janë plot me konservantë, sheqer, ngjyryes etj të cilët janë shumë të dëmshëm edhe për shëndetin oral?
7. Ushqimet me përbërje acide janë gjithashtu ushqime që duhet të mos përdoren shpesh nga fëmijët. Të tillë janë: agrumet, mollët, ananasi, rrushi, luleshtrydhet, uthulla, domatet. Të gjitha këto dëmtojnë zmaltin e dhëmbëve.
8. Shurupi i temperaturës, kollës etj është gjithashtu shumë i dëmshëm për dhëmbet, duke qënë se kompanitë farmaceutike, për t’i dhënë atij një shije më të pranueshme për fëmijët, i shtojnë konservantë dhe shererna.
9. Pijet e ëmbla duhet të evitohen dhe zëvendësohet me qumësht dhe ujë.
10. Karamelet dhe ëmbëlsirat e tjera janë gjithashtu një burim problemesh për dhëmbët e fëmijës. Ato janë të dëmshme jo vetëm për sheqerin që përmbajnë, por edhe për fortësinë që kanë. Duhet të përdoren shumë rrallë nga fëmija.

Dëshironi një shëndet të mirë për dhëmbët e fëmijës? Analizoni mirë ushqimet që i lejoni të konsumojë!