Semundja e femijeve: duar-goje-kembe, cfarë është dhe si trajtohet?

0 0

Kjo është një sëmundje që shkaktohet nga një virus dhe mund të shoqërohet me puçrra në zonën e gojës, duarve dhe këmbëve. Mund të prekë më tepër fëmijët, megjithatë të rriturit nuk janë imunë ndaj saj.

Sëmundja duar-gojë-këmbë…

Është një patologji virale që shkaktohet nga virusi Coxsackie, i cili mund të prekë të njëjtin person më shumë se 1 herë. Kontaminimi ndodh nëpërmjet rrugëve të frymëmarrjes, nëpërmjet kontaktit dhe pështymës, si edhe nëpërmjet mukozave të infektuara dhe lëngut që ndodhet brenda lezioneve (puçrrave). Prek më tepër fëmijët nga mosha 1-5 vjeçare, dhe rrezikohen më tepër fëmijët që shkojnë në kopësht.

Cilat janë simptomat?

Kjo sëmundje zakonisht i shfaq simptomat pas 3-6 ditësh nga marrja e virusit, dhe shenja e parë më tipike është shfaqja e lezioneve në zonën e gojës, kryesisht në qiellzë dhe gjuhë, të cilat provokojnë dhimbje zakonisht gjatë ushqyerjes. Pas rreth një dite shfaqen lezione edhe në zonën e duarve (pëllëmbë) si edhe në këmbë. Mund të shfaqen fshikëza rozë edhe në zonën gluteale (në raste të ralla). Shqetësime të tjera që shfaqen janë temperatura, diarreja, dhimbjet abdominale, dhimbje goje etj. Sëmundja zakonisht zgjat 5-6 ditë, dhe në rastet më ekstreme 10 ditë.

Si trajtohet?

Deri tani nuk ka një terapi efikasë, simptomat duhet të zhduken pas 5-6 ditësh në mënyrë spontane. Nëse fëmija ka dhimbje dhe temperaturë mund të përdorni paracetamol. Nëse fëmija ka dhimbje ndërsa ha mund ta bëni ushqimin të vogël, evitoni ushqimet e kripura, të tharta dhe të nxehta. Duhet të përdoren të ftohta ose në tempëraturë ambient. Një akullore mund të ishte një alternative e mirë. Në zonën e këmbëve mund të përdoren disa garza të zhytura në ujë të ftohtë.






Për të lënë një koment ju duhet të jeni regjistruar Identifikohu



Materiale te ngjashme

Nga cila moshë i kemi...

Gjërat e para që mbajmë mend mund të jenë shumë më herët nga sa mendonim më parë. Një studim zbuloi, në fakt, se kujtimet e para tek fëmijët datojnë në...

Vogëlushja u komentua në konkursin...

Pas komeneteve të shumta në rrjete sociale në mbrojtje të vogëlushes që u komentua për kilogramët në një format televiziv, stafi i përnënat.al kontaktoi me psikologen Lorela Garuli për të...

“Do e lije ushqimin për...

Prej dy ditësh tashmë, në gjithë rrjetin qarkullon skandali me vogëlushen pjesëmarrëse në një konkursen që zhvillohet në një prej televizioneve tona. Bëhet fjalë për një vogëlushe, e cila ka...

Dëmtimet që sjell çanta e...

Numri i fëmijëve nën 12 vjeç që vuajnë nga dhimbjet e shpinës sa vjen e është në rritje, dhe përqindja rritet me rritjen e moshës. Shumica e fëmijëve mbajnë çanta...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X