Seksi pas lindjes së fëmijës, kur dhe si ta bësh atë

0 0

Seksi pas lindjes

Kur do të jem në gjendje të bëj seks pas lindjes se femijes?

Është një nga pyetjet që i frikëson më shumë gratë shtatzëna, por që flitet me pak se kanë frikë mos gjykohen.  Pyetjet më të shpeshta, në këto raste, kanë të bëjnë me aftësinë e trupit se kur mund të kthehet në kushtet normale para shtatzanisë.  Zakonisht gjinekologu këshillon që çifti të presë 30-40 ditë pas lindjes se femijës përpara se të rifillojë aktivitetin seksual.

Seksi pas lindjes, edhe nëse lindja ka ndodhur në mënyrë natyrale nuk është diçka e menjëhershme. Duke marrë parasysh ardhjen e qumështit dhe humbjet e gjakut të cilat zgjasin rreth 15 ditë nuk është e lehtë ta marrësh veten për të filluar aktivitetin seksual. Duhet të jetë mjeku ai që duhet të vlerësojë nëse organet e legenit po kthehen në përmasat e duhura dhe se çdo plagë është duke u rikuperuar.

Në realitet pas lindjes së fëmijës gruaja mezi e ndjen dëshirën për marrëdhënie seksuale. Energjitë e saj janë të përqendruara vetëm tek kujdesi ndaj fëmijës.

Marrëdhëniet seksuale pas lindjes së fëmijës

Pas periudhës së parë në të cilën nënat janë plotësisht të përkushtuara ndaj fëmijës është e rëndësishme t’i kushtosh kohë edhe partnerit. Pavarësisht se jeni bërë prindër, ju jeni edhe çift, dhe kështu është e rëndësishme të vazhdoni të ushqeni ndjenjat.

Sa më shumë kohë të shpenzoni me partnerin sigurisht që do të vijë dhe dëshira për marrëdhënien e parë seksuale pas lindjes. Sapo ta keni marrë veten duhet të vendosni dhe rifillimin e marrëdhënies seksuale. Nuk duhet të jeni me idenë që trupi ka nevojë për tu kthyer në formë. Gratë që ecin me këte ide nënkupton shtyrjen e dëshirës për marrëdhëniet seksuale pas lindjes.

Sigurisht që këmbëngulja nga partneri është një ndihmë e madhe për të kapërcyer vështirësitë fillestare. Gjatë marrëdhënies seksuale të parë pas lindjes do ta kuptoni që dhimbja është fiziologjike, por ngadalë gjithçka do të ndodhë në mënyrë spontane dhe natyrore.  Shpesh frika na bën të ndiejmë dhimbje gjatë depërtimit. Aspekti psikologjik, në këto situata, luan një rol të rëndësishëm.

Për këtë arsye, para rinisjes së seksit pas lindjes së fëmijës, është e rëndësishme të keni kapërcyer këtë frikë.

Si? Bëni dashuri!

Bërja e dashurisë sapo bëhesh prind është një përvojë e bukur. Eshtë e rëndësishme të jeni në gjendje të ushqeni ndjenjën që ju bashkon si çift dhe të gjeni kohë për njëri tjetrin jashtë rolit prindëror.

Por ndihma e gjyshërve mund të jetë një mbështetje e vërtetë. Fëmijët mësohen të qëndrojnë me gjyshërit dhe kështu çifti është në gjendje të kalojë momente të qeta dhe ku partnerët të argëtohen së bashku.  Mund të shkoni në një koncert të këngëtarit tuaj të preferuar, ose mund të pini diçka anës detit. Këto gjëra të vogla, por të bukura mund tu bëjnë që tu lindi dëshira për marrëdhënie seksuale pasi keni lindur fëmijën.

Lexo edhe: Seksi ne shtatzani, ne cilat raste evitohet?






Për të lënë një koment ju duhet të jeni regjistruar Identifikohu



Materiale te ngjashme

Përse është i shëndetshëm kontakti...

Seksi është thelbësor për dashurinë tuaj kështu që mos lejoni që koha e kaluar në dhomën e gjumit të anashkalohet.  Seksi është i nevojshëm për ju në shumë mënyra. Lërini...

Çelësi për një jetë më...

Nëse jeni të shqetësuar për marrëdhëniet seksuale pas lindjes, keni të drejtë. Ka shumë arsye pse çiftet mund të gjenden në një situatë jo të lehtë për sa i përket...

Gazrat gjatë seksit, a mund...

Ndër të gjitha gjërat e sikletshme që mund të ndodhin gjatë seksit, gazrat mund të jenë në krye të listës. Janë të pashmangshme, me të vërtetë. Ekspertët shpjegojnë se pjesa...

Dëshironi shtatzani, a duhet të...

A rriten shanset për një shtatzani nëse kryeni marrëdhënie seksuale çdo ditë? Tierney Lorenz, profesoreshë e Institutit Kinsey (SHBA), shpjegon se seksi i shpeshtë do të dërgonte një sinjal të...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X