Këngëtari shumë i dashur për publikun Besnik Qaka i grupit “NRG Band”, do të bëhet baba për herë të dytë. Lajmin e ka dhënë vetë artisti disa javë më parë në emisionin “Ky emër nuk ka nevojë për prezantim”, ku tregoi edhe gjininë e bebit. Ai do të bëhet baba i një djali.
“Është një ndjenjë e veçantë. Por gjininë e kemi zbuluar, është djalë”, u shpreh Besniku teksa po fliste për familjen.
Ndërsa ditën e djeshme, ai ishte i ftuar në emisionin “Rudina”, ku rrëfeu më tepër rreth zgjerimit të familjes së tij.
Besniku zbuloi për ndjekësit se djali do të lindë në muajin shtator. Ndërsa lidhur me emrin, tha se për momentin e kanë pak problem, sepse po përpiqen familjarisht të zgjedhin një emër të mirë. Besniku u shpreh se me vajzën e kishte shumë më të lehtë, ndërsa për djalin nuk ka as shumë ide.
“Me vajza e kemi patur si më të lehtë, madje i kam thënë bashkëshortes që për djem e kam pak më të vështirë se nuk kam as shumë ide. Tani kemi bërë një listë me shumë emra dhe do shohim si do vendosim”.
Për të lënë një koment ju duhet të jeni regjistruar Identifikohu