Emina Çunmulaj, modelja shqiptare e pasarelave botërore, është një nga vajzat më të bukura e me të pasura të shoëbizit shqiptar, por edhe atij ndërkombëtar.

Por, me gjithë jetën luksoze, mundësitë financiare, shkëlqimin e pasarelave, veshjeve të bukura e gjithçka tjetër, ajo mbetet personazhi më i thjeshtë televiziv, e njëjta vajzë malësore që kaloi fëmijërinë në fshatin Tuz.

Prej vitesh, Emina vazhdon aktivitetin si filantrope dhe tre vitet e fundit në bashkëpunim edhe me fondacionin “Fundjavë ndryshe”. Gjatë periudhës kur kthehet nga Shtetet e Bashkuara, për një muaj ajo viziton familjet në nevojë e ju gjendet pranë jo vetëm më ndihmë financiare e materiale, por kjiron edhe një lidhje të ngushtë shpirtërore me ta, duke të lënë përshtypjen se kjo e vajzë e pasarelave ndërkombëtare, e njeh kaq mirë jetën e thjeshtë, mes njerëzve të zakonshëm, me hallet e vuajtjet e përditshme.

Por, Emina ka rrëfyer se gjatë kësaj periudhe, pjesa më e vështirë ka qenë largimi për orë të tëra çdo ditë nga vajzat e saj.

Modelja shprehet se ajo lë fëmijët në shtëpi dhe punon mbi 10 orë në ditë, kalon kufirin me Malin e Zi në këmbë dhe mundohet që në darkë të shkojë në banesë e të gjejë dy vajzat e saj zgjuar.

“Unë këtë punë e bëj se ma thotë zemra, nuk e bëj për asnjë interes, unë lë fëmijët e mi, e di dhe Arbri. Unë fëmijët e mi i takoj në mëngjes, i laj u jap ushqim dhe iki. Kaloj kufirin në këmbë dhe bëj mbi 10 orë punë dhe mundohem që të shkojë në shtëpi para se të kenë fjetur”- shprehet Emina.