Gjatësia e fëmijës
Matjes së gjatësisë së foshnjës shpesh i jepet rëndësi e pakët. Kjo nuk është e drejtë, megjithëse njohja e gjatësisë së fëmijës ka rëndësi më të kufizuar se njohja e peshës. Gjatësia ndryshon më me vonesë se pesha kur foshnja nuk shkon mirë, por edhe ajo ndryshon kur e dëmtojnë shkaqe të ndryshme. Veçanërisht fëmijët që nuk ushqehen në mënyrë të rregullt për një kohë të gjatë, si dhe ata që vuajnë nga sëmundje e çrregullime të zgjatura, mbesin prapa jo vetëm në peshë, por edhe në gjatësi. Dihet se ka edhe disa situata të tjera të veçanta, në të cilat gjatësia mbetet prapa, që në fillim të jetës së foshnjës. Këto situata dhe kushte, në përgjithësi zbulohen nga mjeku.
Gjatësia në lindje
Gjatësia e foshnjës në lindje është mesatarisht rreth 50 cm. Meshkujt në lindje janë pak më të gjatë se femrat. Pavarësisht nga kjo, janë normalë edhe ata fëmijë që lindin mbi 47 cm. Nën këtë limit, kemi të bëjmë me fëmijë të parakohshëm në lindje.
Rritjet në gjatësi gjatë vitit të parë
Sa më e vogël është foshnja, aq më e shpejtë është rritja e saj në gjatësi. Mjafton të themi se gjatë gjithë vitit të parë, foshnja ka një rritje në gjatësi prej 20-25 cm. Në fund të vitit të parë, fëmija arrin 70-75 cm
Muaji | Gjatësia në cm |
Në lindje | 50 |
1 | 52 |
2 | 54 |
3 | 57.5 |
4 | 61 |
5 | 63 |
6 | 65 |
7 | 66 |
8 | 67.5 |
9 | 69 |
10 | 70 |
11 | 71 |
12 | 72 |
Lexoni edhe: Pesha e femijes
Për të lënë një koment ju duhet të jeni regjistruar Identifikohu