Kur do të dëgjohen rrahjet para të zemrës së fetusit në shtatzani?
Është kjo një pyetje shumë e shpeshtë që nëna i bën vetes gjatë shtatzanisë. Emocionet në këtë moment janë tepër të mëdha për të dy prindërit, por ndonjëherë nëna do të ndiejë edhe ankth në lidhje me këtë moment duke menduar shpesh nëse gjithçka është në rregull. Rrahjet e zemrës së bebit do të dëgjohen në javën e gjashtë të shtatzanisë, por edhe nëse nuk do të mund ta dëgjoni në këtë periudhë nuk duhet të shqetësoheni. Duhet të provoni sërish gjatë javëve në vazhdim.
Pse ndonjëherë është e vështirë të dëgjohen rrahjet e zemrës së bebit në shtatzani?
Në lidhje me këtë ndikojnë disa faktorë me anën e një ekografie abdominale, dhe ndër më kryesorët është shtresa dhjamore abdominale. Në këtë rast mjeku mund të kryejë një ekografi vaginale.
Po nëse nuk dëgjohen rrahjet e zemrës së fëmijës?
Ndonjëherë mund të jetë e vështirë të dëgjohen rrahjet në javën e gjashtë kjo pasi ovulimi mund të ketë ndodhur më vonë se data e menduar, duke qënë se shtatzania llogaritet në varësi të menstruacioneve të fundit. Pra në të vërtetë shtatzania mund të jetë në javën e 4-5. Ju nuk duhet të shqetësoheni pasi në rast se diçka nuk shkon mjeku do t’ju njoftojë si edhe do t’ju shpjegojë arsyet se përse nuk dëgjohen rrahjet e zemrës.
Lexo edhe: Monitorimi i presionit te gjakut pas lindjes
Për të lënë një koment ju duhet të jeni regjistruar Identifikohu