Ndarja e çiftit Robert- Nora ka qenë ndër ngjarjet më të komentuara të showbizit, javët dhe muajt e fundit. Megjithatë takimet e tyre së bashku, frekuentimi i të njëjtave ambiente, drekat, darkat, fotot në aeroporte etj kanë ngritur dyshimet se ndodshta ekziston mundësia e pajtimit mes çiftit.

Për këtë është pyetur Roberti në programin “Ftesë në 5”, ku ka qenë i ftuar pasditen e djeshme dhe përgjgija  e tij ka përcjellë një mesazh të fortë për këdo që bashkëprindëron, në kushtet pas një ndarjeje apo divorci.

“Nora do të jetë gjithmonë pjesë e jetës sime, ne nuk jemi bashkë si çift, por jemi gjithmonë bashkë për gocën. Sa herë të kenë nevojë Nora dhe goca, mua do më kenë mbrapa”, – ka thënë Roberti.

Ai gjithashtu shprehu mendimin e tij se shqiptarët gabojnë kur thonë se rrinë bashkë “për hir të fëmijëve”, sepse në të vërtetë nëse mes tyre ka grindje apo një atmosferë jo të mirë familjare, kjo gjë vetëm e dëmton fëmijën.