Modelja shumë e famshme Gigi Hadid solli në jetë fëmijën e saj të parë në muajin shtator të këtij viti. Ajo dhe partneri i saj u bekuan me një vajzë, emrin e së cilës vazhdojnë ende ta mbajnë sekret.

Së fundmi Gigi ka treguar se gati 3 muaj pas ardhjes në jetë të vajzës i është rikthyer punës.

Modelja është rikthyer në zyrë, por mëmësinë nuk e krahason me asgjë tjetër. Ajo ka treguar se të qenit mama me kohë të plotë është shumë herë më e lodhshme dhe këtë sigurisht nuk mund ta mohojë askush.

“Do të thosha u riktheva në punë, por të qenit nënë është një punë si asnjë tjetër. U riktheva në zyrë”, ka shkruar Gigi përkrah një fotografie të saj në punë.